کراچی: تین افراد ہلاک، رینجرز اور پولیس ایکشن میں

Thursday 2 August 2012

ڈان نیوز ٹی وی

کراچی میں پرتشدد واقعات کا سلسلہ جاری۔ رائٹرز تصویر

کراچی: کراچی میں کل رات سے اب تک تین افراد کو قتل کر دیا گیا۔ رینجرز کے بعد اب پولیس بھی ایکشن میں آگئی اور سرچ آپریشن شروع کردیا گیا ہے۔

علاوہ ازیں کراچی میں اورنگی ٹاون کے علاقے مییں نامعلوم افراد کی فائرنگ سے تین افراد زخمی ہوگئے۔ زخمیوں کو نجی اسپتال منتقل کیاگیا جہاں ایک زخمی دوران علاج چل بسا۔

بلدیہ ٹاؤن میں فائرنگ سے دو افراد ہلاک ہوئے۔

دوسری جانب پرانی سبزی منڈی کے قریب پولیس نے سرچ آپریشن کے دوران تین مشتبہ افراد کو حراست میں لے کر نامعلوم مقام پر منتقل کردیا ہے۔

آپریشن میں پولیس کمانڈوز نے بھی حصہ لیا۔

ذرائع کے مطابق یہ آپریشن گینگ وار کے ملزمان کی موجودگی کی اطلاع پر کیا گیا۔