کراچی میں فائرنگ سے سابق رکن اسمبلی ہلاک

Saturday 22 September 2012

ڈان نیوز ٹی وی

کراچی میں پولیس- فائل فوٹو

کراچی: کراچی کے علاقے محمودآباد میں نامعلوم افراد نے فائرنگ کرکے سابق رکن اسمبلی ملک عطا کو ہلاک کردیا۔ مقتول اقلیتی نشست پر سندھ اسمبلی کے سابقہ رکن بھی رہ چکے ہیں۔

بلوچ کالونی تھانے کی حدود محمودآباد نمبر تین میں گھر کے باہر بیٹھے سابق رکن سندھ اسمبلی ملک عطا پر موٹرسائیکل سوار ملزمان نے فائرنگ کر دی جس سے وہ موقع پر ہی دم توڑ گئے۔۔

پولیس کے مطابق مقتول پر تیس بور پستول سے حملہ کیا جس سے ان کے جسم کے اوپری حصے میں چار گولیاں لگیں۔

ان کے سوگواروں میں پانچ بیٹیاں اور تین بیٹے ہیں۔

تاہم پولیس واقعہ کی تحقیقات کررہی ہے۔