موریطانیہ کے صدر گولی لگنے سے زخمی

Sunday 14 October 2012

خبر رساں ادارے

چھ اکتوبر کو موریطانیہ کے صدر محمد اولد عبدالعزیز ایک کانفرنس میں شرکت کیلئے آرہے ہیں۔ رائٹرز تصویر

نواخچوٹ: موریطانیہ کے صدر ہفتے کے روز فوجی یونٹ کی جانب سے حادثاتی طور پر چلنے والی گولی سے زخمی ہوئے ہیں۔

اے ایف پی کو موریطانیہ کے سیکیوریٹی ذرائع نے بتایا کہ آج بروز اتوار عبدالعزیز کو علاج کی غرض سے پیرس لے جایا جائے گا جو ایک فوجی قافلے کی جانب سے حادثاتی طور پر چلنے والی ایک گولی سے زخمی ہوئے تھے۔

زرائع نے نام خفیہ رکھنے کی شرط پر بتایا کہ صدر کو پیرس میں واقعے خصوصی معالجے کے ایک ہسپتال منتقل کیا جارہا ہے جہاں انہیں طبی امداد دی جائے گی۔

ذریعے نے یہ بھی بتایا کہ موریطانیہ کے دارلحکومت میں واقع ایک عسکری ہسپتال میں ان کے ابتدائی آپریشن کے بعد ان کے جسم سے گولی نکال لی گئ ہے۔

ذرائع ابلاغ میں صدر عبدالعزیز کے زخمی ہونے کے بارے میں متضاد خبریں سامنے آرہی ہیں بعض زرائع کے مطابق ان کے گولی ان کے بازو میں لگی تھی جبکہ کچھ کا کہنا ہے کہ گولی ان کے بدن میں لگی تھی۔ تاہم ذرائع نے بتایاکہ ان کی جان کو کوئی خطرہ نہیں۔