غیر آئینی سیٹ اپ قائم کرنے کی سازش کا انکشاف

Monday 28 January 2013

ڈان نیوز ٹی وی

سینیٹر رضا ربانی۔ فائل فوٹو۔۔۔

اسلام آباد: پاکستان پیپلز پارٹی (پی پی پی) کے سینئر رہنما سینیٹر رضا ربانی نے انکشاف کیا ہے کہ ملک میں دو تین سال کے لیے غیر آئینی سیٹ اپ قائم کرنے کی سازش کی جارہی ہے۔

پیر کو اسلام آباد میں میڈیا کےنمائندوں سے غیر رسمی گفتگو میں رضا ربانی کا کہنا ہے کہ چیف الیکشن کمشنر یا الیکشن کمیشن کے کسی ممبر کو ہٹانے کے لیے آئین میں وضح کردہ طریقے کے علاوہ کوئی اور راستہ نہیں۔

ان کا کہنا ہے کہ انتخابات سے پہلے الیکشن کمیشن کو تحلیل کیے جانے کا اقدام غیر آئینی ہو گا۔

رضا ربانی نے کہا کہ غیر جمہوری قوتوں کی خواہش ہے کہ انتخابی عمل کسی بھی طرح ملتوی کیا جائے۔

ایک سوال کے جواب میں ان کا کہنا تھا کہ ملک میں انیس سو ستتر کے الیکشن جیسی صورتحال پیدا کی جا رہی ہے اور جمہوری عمل پر تلوار لٹک رہی ہے۔

ان کا مزید کہنا ہے کہ تمام جمہوری قوتیں غیر جمہوری قوتوں کے خلاف متحد ہو جائیں۔

اسی بارے میں

اسی صفحہ سے

کمنٹس کے لیے زبان سیلکٹ کریں

Urdu English

اپنی رائے دیجئے

ایک تبصرہ

Israr Muhammad کہتے ہیں
January 30, 2013 at 1:08 am

رضا ربانی کے بیان سے معلوم هوتا هے کۂ انتخابات کے راستے میں رکاوٹیں هیں حطره اب بھی هے میں انتحابات کے وقت پر کرانے کا حامی هوں میں کسی بھی قسم کے ٹیکنوکریٹس شریفزادوں‎ ‎صالیخین وغیرۂ کے حکومت کے حق میں نہیں هوں اگر ایسا هوآ تو جمہوریت دبارہ نہیں آئیگی اور ملک کی انتہائی بدقسمتی هو گی

Reply