پشاور: چار پولیس اہلکاروں سمیت پانچ افراد ہلاک

22 اپريل 2014
شاور میں دہشتگردی کے واقعے میں چار پولیس اہلکار اور ایک ایمبولینس ڈرائیور ہلاک۔ فائل تصویر
شاور میں دہشتگردی کے واقعے میں چار پولیس اہلکار اور ایک ایمبولینس ڈرائیور ہلاک۔ فائل تصویر

پشاور: نامعلوم عسکریت پسندوں کی جانب سے فائرنگ میں چار پولیس اہلکاروں سمیت پانچ افراد ہلاک ہوگئے ہیں۔

تفصیلات کے مطابق پشاور شہر سے بیس کلومیٹر دور کوہاٹ روڈ پر یہ واقعہ پیش آیا۔

زنگلی چیک پوسٹ پر نامعلوم عسکریت پسندوں نے پولیس پارٹی پر فائر کھول دیا۔ اس واقعے میں ایک اے ایس آئی سمیت وہاں پہنچنے والا ایمبولینس ڈرائیور بھی مارا گیا ہے۔

اس واقعے میں دو پولیس اہلکار زخمی بھی ہوئے ہیں۔

بڈھ بیر پولیس اسٹیشن کے ایس ایچ او گران اللہ خان نے ڈان ویب سائٹ کو بتایا کہ زنگلی چیک پوسٹ پر جن دو پولیس اہلکاروں کو زخمی کیا گیا ہے ان کی حالت نازک ہے۔

پہلے ان پولیس اہلکاروں کو زخمی کیا گیا اور جب انہیں پولیس اہلکار طبی امداد کیلئے لے جانے وہاں پہنچے تو ان پر فائرنگ کی گئی اور اس واقعے میں ایک اے ایس آئی سمیت ایمبولینس ڈرائیور بھی ہلاک ہوگیا۔

زخمیوں کو لیڈی ریڈنگ ہسپتال منتقل کیا گیا ہے۔

تبصرے (0) بند ہیں