کوریا بحری حادثہ، ریسکیو آپریشن جاری

سیول نامی کشتی پر کل 476 افراد سوار تھے اور حادثے کے بعد 174 مسافروں کو بچا لیا گیا تھا۔

فیری ڈوبنے سے پہلے عملے اور ٹریفک کنٹرولر کے درمیان ہونے والی بات چیت سے صاف پتہ چلتا ہے کہ صحیح وقت پر فیصلہ کرنے میں تاخیر ہوئی۔

دوسری طرف کشتی کے حادثے میں مرنے والے افراد کے لواحقین نے امدادی کارروائی پر احتجاج کیا ہے۔

حادثے میں ہلاک ہونے والوں کے لواحقین ناموں کی لسٹ پر موجود ہیں تاکہ ان کے بارے میں جان سکیں۔

امدادی سرگرمیوں کی نگرانی کرنے والے ادارے ایمرجنسی مینجمنٹ سینٹر کے سربراہ شن وون نام نے صحافیوں سے بات کرتے ہوئے کہا تھا کہ امدادی آپریشن اگر مہینوں نہیں تو کئی ہفتے تک تو ضرور جاری رہ سکتا ہے۔

اس کے علاوہ بچوں کے والدین نے الزام لگایا کہ ادارے ان کے بچوں کو زندہ نکالنے کیلئے سستی اور غفلت سے کام لے رہے ہیں۔

ابھی تک جہاز ڈوبنے کا اصل سبب معلوم نہیں ہو سکا لیکن ماہرین کا کہنا ہے کہ یا تو اس جہاز کا نچلا ڈھانچہ کسی چٹان سے ٹکرایا تھا یا پھر تیزی سے موڑ کاٹنے کی وجہ سے اس پر لدا سامان کھسک کر ایک طرف چلا گیا اور جہاز کا توازن بگڑ گیا اور یہ ایک طرف کو جھک گیا۔