فیس بک بن سکتی ہے طلاق کا سبب

28 جولائ 2014
— رائٹرز فائل فوٹو
— رائٹرز فائل فوٹو

نیویارک : سماجی رابطے کی ویب سائٹس استعمال کرنے کے شوقین افراد سے تو دنیا بھری پڑی ہے مگر کیا آپ کو معلوم ہے کہ ان لوگوں میں اپنے شریک حیات کو چھوڑنے کا امکان 32 فیصد زیادہ ہوتا ہے؟

یہ دلچسپ دعویٰ امریکہ میں ہونے والی ایک تحقیق میں سامنے آیا ہے۔

بوسٹن یونیورسٹی کی تحقیق کے مطابق سوشل میڈیا کے استعمال، ازدواجی مسائل اور طلاق وغیرہ کے درمیان تعلق موجود ہے، خاص طور پر محققین کا تو کہنا ہے کہ فیس بک طلاق کی شرح اور میاں بیوی کے درمیان جھگڑوں کا اہم سبب ہے۔

تحقیق کے دوران محققین نے متعدد فیس بک اکاﺅنٹس اور ان کو امریکی ریاستوں کی آبادی کے لحاظ سے تقسیم کیا، جس کے بعد یہ بات سامنے آئی کہ ہر ریاست میں فیس بک 2.18 فیصد تک طلاق کا سبب بن رہی ہے۔

محقق جیمز ای کیٹس کے مطابق اس تحقیق میں کمیونیکشن ٹیکنالوجی کے انسانی رویوں پر اثرانداز ہونے کے ڈیٹا کا جائزہ لیا گیا۔

تحقیق میں یہ بھی بتایا گیا ہے کہ سوشل میڈیا سے دور رہنے والے فیس بک وغیرہ کے پرستاروں کے مقابلے میں 11.4 فیصد زیادہ اپنی شادیوں سے مطمئن رہتے ہیں۔

اسی طرح فیس بک بہت زیادہ استعمال کرنے والوں کی جانب سے اپنا گھربار چھوڑنے کا امکان 32 فیصد زیادہ ہوتا ہے۔

یہ پہلی بار نہیں کہ فیس بک پر شادیوں کو توڑنے وغیرہ کے الزام لگے ہوں، اس سے پہلے بھی اس قسم کی رپورٹ سامنے آچکی ہیں۔

ضرور پڑھیں

تبصرے (2) بند ہیں

NASIR Jul 29, 2014 04:27pm
1 more fact facebook user must care that please not spread hate and anti religious caste ethancity color faith type matters in your comments shares posts in pakistan recently 1 incident took 4 lives and more then 500 behind bar prison and make distortion among Pak nation FACEBOOK MAY BE THE CAUSE OF DEATHS PLEASE TAKE CARE
Asif Jul 30, 2014 06:31pm
Facebook can also become cause of death as we have seen in Gujranwala.