لاہور/ ملتان: صوبہ پنجاب کے مختلف شہروں میں ٹریفک حادثات میں کم سے کم 14 افراد ہلاک ہوگئے۔

ڈان نیوز کے مطابق جنوبی پنجاب کے شہر خانیوال کے علاقے کبیر والا ملتان روڈ پر ٹریفک حادثے میں آٹھ افراد ہلاک ہوگئے اور متعدد زخمی ہوگئے۔

ہسپتال ذرائع کا کہنا ہے کہ حادثہ اتنا شدید تھا کہ سات افراد موقع پر ہی ہلاک ہوگئے۔

زخمی ہونے والوں کو قریبی ہسپتال منتقل کردیا گیا۔ عینی شاہدین کے مطابق حادثہ تیز رفتاری کے باعث پیش آیا۔

اسی دوران قصور میں رائے ونڈ روڈ سے ملحقہ ایک گاؤں کے قریب پیش آنے والے ٹریفک حادثے میں چار افراد ہلاک اور خاتون سمیت دو افراد زخمی ہوگئے۔