ڈاکٹر عطا الرحمان کیلئے اعلیٰ ترین چینی ایوارڈ
کراچی: پروفیسر ڈاکٹر عطا الرحمان کو چین کے اعلیٰ ترین قومی ایوارڈ کے لیے منتخب کرلیا گیا ہے۔
ایک اعلامیے کے مطابق ’فرینڈشپ ایوارڈ آف چائنا‘ سے انہیں پیر کو بیجنگ میں ہونے والے ایک تقریب کے دوران نوازا جائے گا۔
فرینڈشپ یا دوستی ایوارڈ ان غیر ملکی ماہرین کو دیا جاتا ہے جنہوں نے سماجی یا معاشی ترقی کے شعبوں میں بہترین کارکردگی کا مظاہرہ کیا ہو۔ یہ ایوارڈ پروفیسر رحمان کو پاکستان اور چین کے درمیان سائنس اور اعلیٰ تعلیم کے سلسلے میں مضبوط روابط قائم کرنے میں کردار پر دیا جارہا ہے۔
پروفیسر رحمان نے وفاقی وزیر برائے سائنس و ٹیکنالوجی کی حیثیت اور پھر میں بعد میں ہائیر ایجوکیشن کمیشن کے چیئرمین کے طور پر چینی یونیورسٹیوں اور دیگر اداروں کے پاکستان کے ساتھ روابط مضبوط کرنے میں اہم کردار ادا کیا تھا۔
ان پروگرامز کے تحت تقریباً 400 طالب علموں کو مختلف چینی یونیورسٹیز اور پی ایچ ڈی کی تربیت کے سلسلے میں ریسرچ انسٹیٹیوٹز بھیجا گیا۔
انہوں نے ملک بھر کی یونیورسٹیز میں چینی زبان کو ویڈیو کانفرنس کے ذریعے سیکھنے کے پراجیکٹ میں قلیدی کردار ادا کیا۔
فروفیسر رحمان کی ایک کتاب ’ سائنس کی حیرت انگیز دنیا‘ کا حال ہی میں چینی زبان میں ترجمہ کیا گیا ہے۔ انہیں حال ہی میں چائنیز اکیڈمی آف سائنس نے بین الاقوامی کواپریشن ایوارڈ سے نوازا ہے۔
ان کے کریڈٹ پر آرگینک کیمسٹری کی فیلڈ میں 976 مطبوعات ہیں۔ انہیں پاکستان میں تمغہ امتیاز، ستارہ امتیاز، ہلال امتیاز اور ملک کے سب سے بڑے سویلین ایوارڈ نشان امتیاز سے بھی نوازا جاچکا ہے۔
تبصرے (1) بند ہیں