انچیون: ایشین گیمز میں پاکستان نے ملائشیا کو شکست دے کر ہاکی ایونٹ کے فائنل کے لیے کولیفائی کر لیا ہے۔

انچیون میں کھیلے گئے سیمی فائنل میں مقررہ وقت تک کوئی بھی ٹیم گول اسکور نہ کر سکی جس کے بعد فیصلہ پنلٹی شوٹ آؤٹس پر ہوا جس میں پاکستان نے پانچ کے مقابلے میں چھ گول سے فتح حاصل کی۔

فائنل میں پاکستان کا مقابلہ روایتی حریف ہندوستان سے ہو گا جس نے اس سے قبل کھیلے گئے سیمی فائنل میں جنوبی کوریا کو شکست دی تھی۔

1998 میں گولڈ میڈیل حاصل کرنے والے ہندوستان نے بارہ برس کے بعد اس ایونٹ کے فائنل تک رسائی حاصل کی ہے۔

دونوں روایتی حریفوں کے درمیان فائنل دو اکتوبر کو کھیلا جائے گا جس میں کامیابی حاصل کرنے والی ٹیم 2016 کے ریو اولپمکس کے لیے بھی کوالیفائی کر لے گی۔

یاد رہے کہ ایونٹ میں اپنے اعزاز کا دفاع کرنے والی پاکستان ٹیم اب تک ناقابل شکست ہے۔