اسلام آباد: وفاقی وزیر داخلہ چوہدری نثار علی خان نے امریکا سے پاکستان میں ڈرون حملے مستقل طور پر بند کرنے کا مطالبہ کیا ہے۔

چوہدری نثار علی خان سے پاکستان اور افغانستان کے لیے امریکا کے خصوصی نمائندے ڈینیل فیلڈ مین نے ملاقات کی

ملاقات میں پاکستان میں امریکی سفیر رچرڈ اولسن بھی موجود تھے۔

اس موقع پر وزیرداخلہ نے امریکا سے پاکستان میں ڈرون حملے مستقل طور پر بند کرنے کا مطالبہ کرتے ہوئے کہا کہ یہ حملے پاک امریکا تعلقات میں سب سے بری رکاوٹ ہیں۔۔

امریکی نمائندہ خصوصی نے کہا کہ امریکا پاکستانیوں کے دہشت گردی کے خلاف جاری جنگ میں قربانیوں کو سراہتا ہے۔