29 اگست, 2014 | 2 ذوالقعد, 1435
ڈان نیوز پیپر

پنجاب، گلگت بلتستان میں ٹریفک حادثے، بیس افراد ہلاک

امدادی کارکن۔ اے ایف پی فوٹو

اسلام آباد: آج صبح ملک کے مختلف شہروں میں ہونے والے تین مختلف ٹریفک حادثات میں بیس افراد ہلاک اور درجنوں زخمی ہوگئے۔ اطلاعات کے مطابق زخمیوں میں سے بعض کی حالت تشویشناک ہے۔

ہلاکتوں کا سبب بنے والے حادثات راولپنڈی، استور اور میرپور کے قریب پیش آئے۔

تفصیلات کے مطابق منگل کی صبح نہڑ سے راولپنڈی جانے والی ایک مسافر بس کہوٹہ کے قریب گاؤں پنجاڑ کے قریب کھائی میں جاگری۔

ریسکیو ذرائع کے مطابق حادثے کے وقت بس میں کم ازکم ستر مسافرسوار تھے، جن میں سے چھ افراد موقع پر ہی ہلاک ہوگئے۔ پانچ زخمی اسپتال منتقل کیے جانے کے دوران دم توڑ گئے۔

اسپتال ذرائع کا کہنا ہے کہ زخمیوں کی تعداد بیس ہے، جن میں سے چند کی حالت نازک ہے۔

پولیس نے ابتدائی طور پر کہا ہے کہ حادثہ تیز رفتاری کے باعث پیش آیا۔

دوسرا المناک حادثہ گلگت بلتستان کے علاقے استور میں پیش آیا، جہاں مسافر ویگن دریائے پری شنگ میں جاگری،جس کے نتیجے میں آٹھ افراد ہلاک اور بیس زخمی ہوگئے۔

پولیس کا کہنا ہے کہ حادثے کے وقت ویگن میں گنجائش سے زیادہ مسافر سوار تھے۔ پولیس کے مطابق ایک موقع پراووَر لوڈنگ کے باعث ڈرائیور ویگن پر قابو نہ رکھ سکا اور وہ دریا میں جاگری۔

مقامی افراد اور پولیس اہلکاروں نے امدادی کارروائیاں کرتے ہوئے تمام زخمیوں اور لاشوں کو سول اسپتال، استور منتقل کردیا، جہاں اسپتال حکام کے مطابق زخمیوں میں سے بیشتر کی حالت نازک ہے۔

علاوہ ازیں،آزاد کشمیر کے علاقے میرپور سے دینہ جانے والی کار تیز رفتاری کے باعث درخت سے ٹکراگئی، جس کے باعث ایک خاتون ہلاک اور تین افراد زخمی ہوگئے۔

دوسری طرف، ایوان صدر سے جاری بیان کے مطابق صدر آصف علی زرداری نے آج صبح پیش آنے والے المناک ٹریفک حادثات میں ہونے والی ہلاکتوں گہرے دکھ  کا اظہار کیا ہے۔

اس حصے سے مزید

آرمی چیف نے عدالتی کمیشن بنانے کی ضمانت دی ہے، عمران خان

جب تک وزیراعظم نواز شریف کا استعفیٰ نہیں آتا، دھرنا جاری رہےگا، سربراہ پاکستان تحریک انصاف۔

فوج کے سیاسی کردار پر سیاستدانوں کی مذمّت

پی ٹی آئی کے جاوید ہاشمی نے کہا کہ اب ہم سر اُٹھانے کے قابل نہیں رہیں گے، یہ تمام سیاستدانوں کے لیے شرمناک لمحہ ہے۔

نظام ختم ہوا تو بڑی تباہی ہوگی،وفاقی وزیر دفاع

خواجہ آصف نےکہا ہےکہ اگرنظام لپیٹا گیا تواکائیوں کو ساتھ رہنے کاجواز نہیں رہتا،آئین نے پاکستان کو متحدہ رکھا ہوا ہے۔


تبصرے بند ہیں.
سروے
مقبول ترین
قلم کار

متوازی سیاست

بعض لحاظ سے ان میں اور ان لوگوں میں کوئی بہت زیادہ فرق نہیں ہے جنھیِں وہ ہٹانا چاہتے ہیں-

انتخابی اصلاحات کی فوری ضرورت

پاکستان میں انتخابی عمل کوشفاف اور غیر متنازعہ بنانے کے لیے انتخابات کے آٹھ شعبوں میں اصلاحات کی ضرورت ہے۔

بلاگ

پاکستان کی نوجوان نسل اور غیرت بریگیڈ

"فحاشی" ایک دماغی بیماری ہے جس کا شکار ذہن عورت کو گھر کی دہلیز سے باہر دیکھ کر شدید 'صدمے' کا شکار ہو جاتا ہے۔

ڈی چوک، گدھا اور نا تجربہ کار حجام

آپ کے لیڈر رہیں یا چلے جائیں، یا رسی سے گدھا بندھا ہو یا نہیں، لیکن کسی نا تجربہ کار شخص کو اپنی حجامت مت بنانے دیجئے گا

دھرنے بمقابلہ جمہوریت

جمہوریت میں ہر بندے کی رائے برابر کی اہمیت رکھتی ہے۔ ممکن ہے کہ وہ سیاست دان بھی منتخب ہوجائیں، جو لیڈرشپ کے قابل نہیں۔

آزادی کے سائیڈ افیکٹس

اس قوم کا مزید آزادی کی بات کرنا بہت حیران کن ہے۔ یہ قوم تو آزادی کے سائیڈ افیکٹس کا شکار ہے۔