پولیس اہلکار جائے وقوعہ کے باہر کھڑے ہوئے۔ اے پی فوٹو

ڈینور: امریکی شہر ڈینور کے ایک  سنیما گھر میں مسلح نقاب پوش شخص نے گھس کر فائرنگ کردی، جس کے نتیجے میں دس افراد ہلاک ہوگئے۔ پولیس کی ابتدائی رپورٹ میں بتایا جاتا ہے کہ فائرنگ کے اس واقعے میں کم از کم چالیس لوگ زخمی ہوئے ہیں۔

مقامی ریڈیو نے جمعے کے روز بتایا کہ واقعے کے وقت سینیما گھر میں نیو بیٹ مین کی فلم 'دی ڈارک نائٹ رائسز' دکھائی جارہی تھی۔

ریڈیو اسٹیشن کے مطابق گیس ماسک لگائے آدمی نے ارورہ کے مضافات میں واقع ایک شاپنگ مال میں گھس کر فائرنگ کی اور آنسو گیس کا استعمال بھی کیا۔

البتہ سی این این کی فوٹیج کے مطابق درجنوں پولیس اہلکار واقعے کے وقت جائے وقوہ پر موجود تھے۔

مقامی ریڈیو کے مطابق اس جگہ کو خالی کرالیا گیا ہے اور کوئی بھی تقصان پہنچانے والے آلے کی غیر موجودگی کو یقینی بنانے کے لیئے چھان بین جاری ہے۔