24 اپريل, 2014 | 23 جمادی الثانی, 1435
ڈان نیوز پیپر

احتساب عدالت نے شریف خاندان کو دوبارہ نوٹس جاری کردیئے

Nawaz-sharif-AP670
پاکستان مسلم لیگ ن کے سربراہ، نوازشریف: فا ئل تصویر اے پی

راولپنڈی: شریف خاندان کے خلاف نیب ریفرنس بحالی کی سماعت پندرہ ستمبر تک ملتوی۔ احتساب عدالت نے شریف خاندان کو دوبارہ نوٹس جاری کردیئے۔

شریف برادران کے وکیل اکرم شیخ کا کہنا ہے پرانے کیسز کھولنے کا کوئی فائدہ نہیں اور ان ریفرنسز کی سماعت غیر معینہ مدت ملتوی کی جائے۔

احتساب عدالت راولپنڈی کے جج عبد الخالق کی عدالت میں شریف برادران کے خلاف نیب ریفرنس کی بحالی کی سماعت کی۔

وکیل اکرم شیخ نے عدالت کو بتایا کہ ہائیکورٹ نے ان ریفرنسز کی سماعت غیر میعنہ مدت کے لیے  ملتوی کی تھی۔

احتساب عدالت کے جج عبدالخالق نے استفسار کیا کہ کیا حدیبیہ پیپر ملز میں اسحاق ڈار شریف خاندان کے خلاف وعدہ معاف گواہ بنے تھے؟

جس پر اکرم شیخ نے جواب دیا کہ انہیں معلوم نہیں۔

نیب کے پراسیکیوٹر چوہدری ریاض نے کہا کہ مقدمات غیر معینہ مدت کیلئے نیب نے نہیں عدالت نے ملتوی کیے تھے۔

اکرم شیخ نے  اپنے دلائل میں کہا کہ ہائیکورٹ نے ان ریفرنسز کے خلاف حکم امتناعی دے رکھا ہے۔

خیال رہے کہ شریف خاندان کے کیسز دو ہزارایک میں  ملزمان کے بیرون ملک جانے پر غیر معینہ مدت کے لیے ملتوی کئے گئے تھے۔

لیکن شریف برادران کے ملک میں واپس لوٹنے کے بعد احتساب عدالت نے ایک بار پھر مقدمات کی سماعت شروع کی تھی جو سنہ دو ہزار دس میں ایک بار پھر غیر معینہ مدت تک کے لیے ملتوی کردی گئی تھی۔

اس کے علاوہ اٹھارہ جولائی کو احتساب عدالت نے نیب سے میاں نواز شریف اور شہباز شریف کے خلاف کرپشن کے تین ریفرنسز سے متعلق ریکارڈ طلب کرتے ہوئے نواز شریف اور شہباز شریف کو اٹھائیس جولائی کے لیے نوٹس جاری کردیے تھے۔

اس حصے سے مزید

پیمرا کا جیو کی انتظامیہ کو شو کاز نوٹس

پیمرا نے وزارتِ دفاع کی درخواست پر نوٹس جاری کرتے ہوئے جیو سے چھ مئی کو جواب طلب کرلیا۔

'مولانا عزیز کا نام مشتبہ دہشت گردوں میں شامل رکھا جائے'

اسلام آباد ہائی کورٹ کو بتایا گیا کہ مولانا عزیز کالعدم تنظیم سے وابستہ ہیں اور فوج کا حوصلہ پست کرنے کی کوشش کرچکے ہیں۔

مشرف کا نام ای سی ایل سے خارج کرنے کی درخواست پر سماعت ملتوی

کل ہی نوٹس ملا ہے اسلئے کم ازکم 15 دن کا وقت دیا جائے، اٹارنی جنرل کی سندھ ہائی کورٹ سے درخواست۔


تبصرے بند ہیں.
مقبول ترین
بلاگ

مقدّس ریپ

دو دن وہ اسی گاؤں میں ماں کے بازؤں میں تڑپتی رہی۔ گھر میں پیسے ہی کہاں تھے کہ علاج کے لئے بدین تک ہی پہنچ پاتے۔

میڈیا اور نقل بازی کا کینسر

ایسا نہیں کہ میں کوئی پہلا انسان ہوں جس کے خیالات پر نقب لگائی گئی ہو، مگر آخری ضرور بننا چاہتا ہوں

!مار ڈالو، کاٹ ڈالو

مجھے احساس ہوا کہ مجھے اس پر شدید غصہ آ رہا ہے اور میں اسے سچ بولنے پر چیخ چیخ کر ڈانٹنا چاہتا ہوں-

خطبہء وزیرستان

کس سازش کے تحت 'آپکو' بدنام کرنے کے لئے دھماکے کیے جاتے ہیں؟ کس صوبے کے مظلوم عوام آپکے بھائی ہیں؟