ایشوریہ رائے بچن اپنے شوہر ابھیشیک کے ساتھ۔ اے ایف پی فوٹو

دی ٹائمز آف انڈیا کے مطابق ایشوریا رائے بچن اپنی بیٹی بی، اردھیا کی پیدائیش کے نو مہینے بعد اب کیمرے کے سامنے اپنا جلواہ دیکھانے کو تیار ہیں۔

آخری بار جب ایشوریہ کیمرے کے سامنے آئیں تھیں تب ان کی بیٹی کے پیدا ہونے میں کچھ وقت باقی تھا۔ لیکن اپنی بیٹی کی پیدائیش کے بعد انہوں نے کیمرے سے دور رہنا پسند کیا تاکہ وہ اپنی بیٹی کو پوری توجہ دے پائیں۔

ایک ذرائع کے مطابق ایش نے حال ہی میں ایک جیولری برانڈ کے لیئے فوٹو شوٹ کیا۔

ذرائع نے بتایا کہ ایشوریہ نے نہ صرف بہت زیادہ وزن کم کیا ہے بلکہ چہرے پر بھی ایک چمک تھی جس نے انہیں مزید جاذب کردیا ہے۔

شری کمار، جنہوں نے اس کمرشل کو فلمایا، ان کا کہنا تھا کہ یہ ان کا ایشوریہ کے ساتھ پہلا ایڈ ہے۔

انہوں نے بتایا کہ کمرشل میں پانی کے اندر بھی کچھ سین عکس بند کرنے تھے جنہیں ایشوریہ نے بڑی مہارت سے کیا۔

اس سے پہلے بالی وڈ کے مایہ ناز ڈائریکٹر سنجے لیلہ بھنسالی بھی ایشوریہ کی تعریف کرچکے ہیں۔ لیکن وزن کم کرنے کے لیئے نہیں بلکہ اپنا وزن بڑھ جانے سے لوگوں کی تنقید کا نشانہ بننے کے باوجود اس کی پروا نہ کرنا کی وجہ سے۔

ضرور پڑھیں

تبصرے (0) بند ہیں