فرید زکریا۔ رائٹرز فوٹو

نیویارک: سی این این کے میزبان اور ٹائم میگزین کے ایڈیٹر-ایٹ-لارج فرید زکریا کو سرقے کے الزام میں معطل کردیا گیا ہے۔

این ڈی ٹی وی کے مطابق فرید زکریا پر الزام ہے کہ انہوں نے ٹائم میگزین میں چھپنے والے اپنے کالم میں کسی دوسرے مصنف کے مضمون کے کچھ حصے استعمال کیے تھے۔

ان کا یہ کالم ٹائم میگزین کے بیس آگست کے شمارے میں چھپا تھا جس میں انہوں نے جل لیپور کے دی نیو یارکر میں تئیس اپریل کو چھپنے والے ایک مضمون کے کچھ حصے 'چرائے' تھے۔

البتہ فرید زکریا نے جمعے کے روز اپنی غلطی تسلیم کرتے ہوئے معافی مانگ لی ہے۔ انھوں نے اعتراف کیا ہے کہ ان سے بہت بڑی غلطی ہوئی ہے۔

ٹائم میگزین کے ترجمان کا کہنا ہے کہ میگزین نے ان کی معافی قبول کرلی ہے لیکن ان کے کالم کو ایک مہینے کے لیئے معطل کردیا جائے گا۔

دوسری طرف سی این این نے بھی فرید زکریا کے پروگرام کو غیر معینہ مدت کے لیئے معطل کردیا۔

اب سی این این پر فرید زکریا کے پروگرام 'جی پی ایس' کی جگہ کوئی اور پروگرام دیکھایا جائے گا۔