کامرہ: پاکستانی فوجی منہاس ائیر بیس پر پہرہ دے رہے ہیں۔ - رائٹرز

اٹک: کامرہ میں پاکستان فضائیہ کی منہاس ائیر بیس پر دہشت گردوں کے حملے میں زخمی ہونے والا ایک اور اہلکار دم توڑ گیا۔

پاکستان ائیر فورس کے ترجمان طارق محمود کے مطابق محمد اقبال کامرہ کمپلیکس کے اسپتال میں زخموں کی تاب نہ لاتے ہوئے ہلاک ہوا۔

اس طرح بدھ اور جمعرات کی درمیان رات کو ہونے والے حملے میں ہلاک ہونے والے سیکورٹی اہلکاروں کی تعداد دو ہو گئی ہے۔

گذشتہ روز ہلاک والے سپاہی محمد آصف کو فوجی اعزاز کےساتھ ملتان میں سپردخاک کردیا گیا۔

دوسری جانب، حملے کی تحقیقات کاعمل جاری ہے اور ائیربیس سکیورٹی کے فلائٹ لیفٹیننٹ آفیسر کی مدعیت میں اٹک کے تھانہ صدر میں دو ایف آئی آر درج کرا دی گئی ہیں۔

ایف آئی آر میں حملے کے دوران مارے گئے نودہشت گردوں کوملزم نامزد کیا گیا ہے جبکہ حملہ آوروں کی شناخت کے لیے نادرا کی ٹیم نے کامرہ کا دورہ کرکے ان کی انگلیوں کے نشانات حاصل کیے ہیں۔۔