سفاری پارک کے قریب دھماکے سے تباہ ہونے والی گاڑی کے قریب پولیس اور ذرائع ابلاغ کے نمائندے موجود ہیں۔ فوٹو اے ایف پی

کراچی: کراچی میں یونیورسٹی روڑ پر سفاری پارک کے قریب دھماکے میں ایک شخص ہلاک جبکہ دس سے زائد زخمی ہو گئے ہیں۔

دھماکے سے دو گاڑیوں کے بھی تباہ ہونے کی اطلاع ملی ہے۔

ابتدائی اطلاعات کے مطابق دھماکے کا ہدف ایک بس تھی جس میں شیعہ افراد القدس ریلی میں شرکت کیلیے جارہے تھے۔

کچھ ٹیلی ویژن کا کہنا ہے کہ پولیس کے مطابق دھماکا ایک گاڑی کا سی این جی سیلنڈر پھٹنے سے ہوا۔

ذرائع نے ڈان نیوز کو بتایا کہ دھماکا سڑک کنارے نصب کیے گئے بم کے پھٹنے سے ہوا جس کی وجہ سے قریب ہی موجود دکان کو بھی نقصان پہنچا۔