۔— فائل فوٹو

کوئٹہ: بلوچستان کے دارالحکومت کوئٹہ میں بم دھماکے کے ذریعے سیکورٹی فورسز کو نشانہ بنانے کی کوشش میں دو افراد ہلاک جبکہ بارہ زخمی ہو گئے۔

ڈان نیوز نے عینی شاہدین کے حوالے سے بتایا کہ عید کے دوسرے روز تخریب کاروں نے سریاب روڈ پرموسٰی کالونی کے قریب سڑک کنارے کھڑی ایک گاڑی میں دھماکہ خیزمواد نصب کر رکھا تھا اور ان کا ہدف وہاں  سے گزرنے والی ایف سی کی گاڑی تھی۔

تاہم دھماکے کے وقت گاڑی وہاں سے بحفاظت نکل گئی لیکن پیچھے آنے والے دو رکشے اور ایک پیلی ٹیکسی تباہ ہوگئے۔

دھماکے میں ہونے والے زخمیوں کو فوری طور پر اسپتال منتقل کردیا گیا۔

واقعے کے بعد علاقے کو سیکورٹی فورسز نے گھیرے میں لے لیا اور ابتدائی تحقیقات شروع کر دیں۔

دھماکہ اتنا شدید تھا کہ قریبی عمارتیں لرز اٹھیں اور ان کے شیشے ٹوٹ گئے۔