23 اگست, 2014 | 26 شوال, 1435
ڈان نیوز پیپر

بگٹی کی برسی، بلوچستان میں ہڑتال

کوئٹہ: ممتاز بلوچ رہنما اور جمہوری وطن پارٹی کے سابق سربراہ نواب اکبر بگٹی کی چھٹی برسی کے موقع پر بلوچستان بھر میں شٹرڈاؤن ہڑتال جاری ہے۔ بیشتر علاقوں میں پبلک ٹرانسپورٹ بھی بند ہے۔

دوسری جانب اکبر بگٹی قتل کیس میں سابق صدر پرویز مشرف، سابق وزیر اعظم شوکت عزیز اور سابق وزیر داخلہ آفتاب احمد شیر پاؤ سمیت سات ملزمان کے وارنٹ گرفتاری جاری کر دیئے گئے ہیں۔

کاروبار کے علاوہ بیشتر شہروں میں پبلک ٹرانسپورٹ بھی بند ہے۔

ڈان نیوز کے نمائیندے سید علی شاہ کے مطابق کوئٹہ شہر میں مکمل ہڑتال ہے ، ٹریفک نہ ہونے کے برابر ہے اور ایف سی ، بلوچستان کانسٹیبلری اور پولیس کی بھاری نفری تعینات ہے۔

خضدار، مستونگ، جعفر آباد، سبی، خاران، گوادر، تربت اور بلوچستان کے دیگر بلوچ اکثریتی علاقوں میں مکمل شٹر ڈاون ہڑتال ہے۔

جمہوری وطن پارٹی عالی گروپ اور بلوچ ری پبلیکن پارٹی  نےآج ہڑتال اور صوبے کے چھوٹے بڑے شہروں میں احتجاجی مظاہروں کااعلان کیا تھا۔ جبکہ بلوچستان نیشنل پارٹی مینگل اور نیشنل پارٹی نے ہڑتال کی حمایت کا اعلان کیا ہے۔ انہی جماعتوں نے اکبر بگٹی کی برسی کےموقع پر سیمینار مذاکروں کااہتمام بھی کیا ہے۔

برسی کے موقع پر صوبے بھرمیں سکیورٹی کے سخت انتظامات کیے گئے ہیں اور کئی شہروں  کی انتظامیہ نے موٹرسائیکل کی ڈبل سواری پرپابندی عائد کردی ہے۔

دوسری طرف گذشتہ رات کوئٹہ میں چار مختلف مقامات پر بم دھماکے ہوئے۔ تین دھماکوں میں گھروں کونشانہ بنایا گیا جبکہ ایک دھماکہ ریلوے ٹریک پرہوا۔دھماکوں کے باعث سات افراد زخمی ہوئے ۔

بگٹی قتل کیس

اس سے پہلے نواب اکبر بگٹی قتل کیس کی سماعت کے دوران انسداد دہشت گردی عدالت سبی نے تفتیشی ٹیم کی کارکردگی  پر برہمی کا اظہار کیا،اور حکم دیا تھا کہ بگٹی قتل کیس میں نامزد تمام ملزمان کو گرفتار کیاجائے۔

عدالت نےسابق صدر پرویز مشرف، سابق وزیراعظم شوکت عزیز، سابق گورنر بلوچستان اویس احمد غنی، سابق وزیرداخلہ بلوچستان شعیب نوشیروانی اور سابق ڈی سی او ڈیرہ بگٹی صمد لاسی کے ناقابل ضمانت وارنٹ گرفتاری جاری کردیے تھے۔ جام یوسف اور آفتاب شیرپاو،بگٹی کیس میں  پہلے ہی ضمانت پر ہیں لیکن  عدالت میں پیش نہ ہونے پر جج نے تفتیشی ٹیم کو حکم دیا کہ دونوں ملزمان کو گرفتار کرکے پانچ ستمبر کو عدالت میں پیش کیا جائے۔

اس حصے سے مزید

تربت:سیکیورٹی فورسز کا آپریشن، 16عسکریت پسند ہلاک

فرنٹئیر کور کے مطابق سیکیورٹی فورسز نے عسکریت پسندوں کے خلاف آپریشن میں اسلحہ اور بارودی مواد بھی برآمد کیا ہے۔

سرحد پار سے عسکریت پسندوں کا حملہ، سیکورٹی اہلکار ہلاک

ترجمان فرنٹیئر کور کے مطابق ستر سے زائد دہشت گرد پاکستانی سرحد بلوچستان کے ضلع سیف اللہ میں داخل ہوئے۔

کوئٹہ: ایف سی کی کارروائی، بھاری تعداد میں اسلحہ برآمد

ملزمان کے قبضے سے اینٹی ٹینک مائنز، ایم ایم میزائل، مارٹر رائنڈز، ہینڈ گرنیڈز اور ڈیٹو نیٹرز برآمد ہوئے ہیں۔


تبصرے بند ہیں.
سروے
مقبول ترین
قلم کار

ایک گھریلوجھگڑا

افسوس ہے کہ پی ایم ایل اور پی ٹی آئی بے حسی سے ایک دوسرے سے لڑ رہے ہیں، جسکی وجہ سے فوجی اسٹبلیشمنٹ حرکت میں آرہی ہے۔

کچھ جوابات

وزیر اعظم کا اعلان کردہ کمیشن مسئلے سلجھانے کے بجائے زیادہ الجھا دے گا۔

بلاگ

پکوان کہانی : شاہی قورمہ

جو اکبر اعظم کے شاہی باورچی خانے کی نگرانی میں راجپوت خانساماؤں کے تجربات کا نتیجہ ہے۔

دفاعی حکمت عملی کے نقصانات

مصباح کے دفاعی انداز کے اثرات ہمارے جارحانہ انداز رکھنے والے بیٹسمینوں پر بھی پڑے ہیں

پاکستان ایک "ساس" کی نظر سے

68 سالہ جین والر کو پاکستان بہت پسند آیا، اتنا زیادہ کہ بقول ان کے مجھے پاکستان سے محبت ہوگئی ہے۔

مووی ریویو: گارڈینز آف گیلیکسی ایک ویژول ٹریٹ ہے

جو یادوں کے ایسے دور میں لے جاتی ہے جب ایکشن کے بجائے مزاح کسی کامک کا سرمایہ اور اسے بیان کرنے کا ذریعہ ہوا کرتا تھا۔