شمالی وزیرستان میں ڈرون حملہ، پانچ افراد ہلاک
01 ستمبر 2012
شمالی وزیرستان: شمالی وزیرستان میں امریکی جاسوس طیارے کے حملے میں پانچ افراد ہلاک جبکہ تین زخمی ہوگئے۔
سرکاری ذرائع کے مطابق، ہفتے کو امریکی ڈرون طیاروں نے شمالی وزیرستان کے علاقے دیگان میں ایک مکان اور گاڑی پر چار میزائل فائر کیے جس کے نتیجے میں یہ ہلاکتیں ہوئیں۔
فوری طورپرحملے میں ہلاک ہونے والے افراد کی شناخت نہیں ہوسکی۔
حملے کے بعد علاقے میں جاری ڈرون طیاروں کی پروازوں سے قبائلیوں میں شدید خوف وہراس پایا جاتا ہے۔
سرکاری ذرائع کے مطابق یہ علاقہ حافظ گل بہادر کے عسکری گروپ کا مضبوط گڑھ ہے۔ انہوں نے مزید کہا کہ افغان طالبان اور حقانی نیٹ ورک بھی اس علاقے میں سرگرم ہیں۔
واضع رہے کہ گزشتہ ہفتے ہونے والے ایک ڈرون حملے میں حقانی نیٹ ورک کے آپریشنل چیف بدرالدین حقانی سمیت کئی سرگرم شدت پسند مارے جانے کی اطلاعات سامنے آئیں تھیں۔
تبصرے (1) بند ہیں