کراچی میں پولیس- فائل فوٹو

کراچی: شہر میں فائرنگ کے واقعات میں مزید دس افراد ہلاک ہوگئے۔ جبکہ ایس آئی یو  پولیس نے فشریز کے ڈائریکٹر سے بھتہ طلب کرنے والے لیاری گینگ وار کے دو ملزمان کو گرفتار کرنے کا دعویٰ کیا ہے۔

دہشت گردی کے تازہ واقعے میں مچھر کالونی سے ایک شخص کی لاش ملی۔ مقتول کو گولیاں مار کر قتل کیا گیا تھا۔

سہراب گوٹھ پل کے قریب نامعلوم افراد نے فائرنگ کرکے ایک شخص کو ہلاک کردیا۔

سولجر بازار جماعت خانہ کے قریب فائرنگ سےایک شخص ہلاک ہوگیا۔

اس سے قبل ماڈل کالونی میں فائرنگ کے نتیجے میں ایک شخص ہلاک اور دو زخمی ہوگئے جنہیں جناح اسپتال منتقل کردیا گیا۔

کھارادر میں فائرنگ سے زخمی ہونے والا شخص اسپتال پہنچ کر چل بسا۔

رنچھوڑلائن میں فائرنگ سے خاتون ہلاک جبکہ دو افراد زخمی ہوئے۔

لیاقتّ آباد چار نمبر کے مکان سے ایک شخص کی لاش ملی۔

رامسوامی اور پی آئی بی کالونی میں دو افراد اندھی گولیوں کا نشانہ بنے۔ جبکہ چاکیواڑہ میں ایک شخص کو ہلاک کردیا گیا۔

دوسری جانب ایس آئی یو پولیس نے فشری کے ڈائریکٹر سے بھتہ طلب کرنے والے دو اور اے سی ایل سی نے موٹر سائیکل لفٹر گروہ کے سرغنہ کو گرفتار کر کے اسلحہ برآمد کرلیا۔