عمران خان - اے ایف پی فوٹو

اسلام آباد: تحریک انصاف کے چیئرمین عمران خان نے کہا ہے کہ تحریک انصاف کا سونامی انصاف کی بنیاد پر نیا پاکستان بنانے آئی ہے۔

ان کا کہنا تھا کہ عوام موجودہ کرپٹ حکمرانوں سے نجات چاہتی ہے۔

تحریک انصاف کے چیئرمین عمران خان نے چترال میں جلسہ عام سے خطاب کرتے ہوئے کہا کہ جب سے ہم امریکہ کی جنگ کا حصہ بنے ہیں ہم نے اپنے ملک کو تباہ کردیا ہے۔

انہوں نے بتایا کہ تحریک انصاف سات تاریخ کو ملک کی سب سے بڑی امن ریلی وزیرستان لے کر جائے گی۔ ان کا کہنا تھا کہ دنیا بھر کے صحافیوں کو وزیرستان لے کر جائیں گے اور وہاں کی حقیقت منظر عام پر لائیں گے۔

عمران خان کا کہنا تھا کہ ڈرون حملوں میں مرنے والوں کے لواحقین بدلہ لینے کے لیے ہتھیار اٹھا رہے ہیں اور اس وقت کسی جماعت میں وزیرستان جانے کی طاقت نہیں تحریک انصاف وزیرستان جائے گی۔

عمران خان نے کہا کہ چترال سے تین ہزار میگا واٹ بجلی نکل سکتی ہے، چترال میں چشموں سے جتنی بجلی بن سکتی ہے اتنی پورے ملک سے نہیں بن سکتی۔

انہوں نے کہا کہ تحریک انصاف کا سونامی ظلم کے نظام کو ختم کرے گا۔

تحریک انصاف کی چیرمین نے مزید کہا کہ عوام ملک میں تبدیلی چاہتی ہے ایک نیا پاکستان کا قیام چاہتے ہیں۔

تبصرے (0) بند ہیں