19 اپريل, 2014 | 18 جمادی الثانی, 1435
ڈان نیوز پیپر

پر تشدد احتجاج میں ملوث 185 افراد کے خلاف کارروائی

راولپنڈی: مبینہ طور پر پرُ تشدد مظاہروں میں ملوث افراد کو انسداد دہشت گردی کی ایک عدالت میں پیش کیا جا رہا ہے۔— آن لائن فوٹو

کراچی: پاکستان کی عدالتوں نے کم از کم 185 افراد کے خلاف یوم عشق رسول کے موقع پر دنگے فساد اور لوٹ مار کے مقدموں میں ریمانڈ دیا ہے۔

جمعے کو حکومت کی جانب سے توہین آمیز فلم کے خلاف احتجاج منانے کے اعلان کے بعد پر تشدد واقعات میں کراچی اور پشاور میں تئیس افراد ہلاک جبکہ دو سو سے زائد زخمی ہو گئے تھے۔

ہفتے کو راولپنڈی کی عدالتوں نے ستتر مشتبہ افراد کو چودہ دن کے ریمانڈ پر اڈیالہ جیل بھیج دیا۔

اسی طرح،  کراچی میں سینما، بینک، پولیس گاڑیاں نزرآتش اور سرکاری و نجی املاک کو نقصان پہنچانے کے الزام میں انسداد دہشت گردی کی ایک عدالت اور ایک مجسٹریٹ نے کم از کم بھہتر ملزموں کو ریمانڈ پر پولیس کی تحویل میں دے دیا۔

دو دن قبل پاکستان کے سب سے بڑے شہر میں پانچ سینما گھر، تین بینک اور لا تعداد دکانوں کی لوٹ مار کے بعد نذر آتش کرنے کے واقعات پیش آئے تھے۔

لاہور میں ایک انسداد دہشت گردی کی عدالت نے چھتیس ملزموں کو عدالتی ریمانڈ پر جیل بھیج دیا۔

ان مشتبہ افراد پر دہشت گردی، سرکاری و نجی املاک کو نقصان پہنچانےاور نذر آتش کرنے کے علاوہ اقدام قتل اور پولیس پر حملوں کے الزامات عائد کیے گئے ہیں۔

فیصل آباد میں بھی پولیس نے ہوائی فائرنگ اور پتھراؤ کے الزمات کے تحت چار سو سے زائد افراد کے خلاف دو مقدمے درج کیے ہیں۔

ان فراد میں سے تقریباً دو سو کا تعلق کالعدم سپاہ صحابہ پاکستان سے ہے۔

فیصل آباد میں جمعے کو پر تشدد واقعات میں ساٹھ افراد زخمی ہوئے تھے جن میں سے ایک کی حالت تشویش ناک بتائی جاتی ہے۔

اس حصے سے مزید

وزیر اعظم کیخلاف توہینِ عدالت کی درخواست مسترد

لاہور ہائی کورٹ نے اپنے فیصلے میں مؤقف اختیار کیا کہ وزیرِ اعظم کو آئین کے تحت استثنیٰ حاصل ہے۔

ڈیرہ غازی خان: ٹریفک حادثے میں 14 ہلاکتیں

یہ واقعہ ڈیرہ غازی خان کے علاقے کوٹ چٹھہ میں اس وقت پیش آیا جب ایک تیز رفتار بس اسٹاپ پر کھڑے لوگوں پر چڑھ گئی۔

خان پور: سکول وین کھائی میں گرنے سے متعدد بچے زخمی

زخمیوں کو فوری طور پر ہسپتال منتقل کیا جارہا ہے جن میں سے پانچ کی حالت تشویشناک ہے: ریسکیو ذرائع


تبصرے بند ہیں.
مقبول ترین
بلاگ

ریویو: بھوت ناتھ - ریٹرنز

مرکزی کرداروں سے لیکر سپورٹنگ ایکٹرز سب اپنی جگہ کمال کے رہے اور جس فلم میں بگ بی ہوں اس میں چار چاند تو لگ ہی جاتے ہیں۔

میانداد کا لازوال چھکا

جب بھی کوئی بیٹسمین مقابلے کی آخری گیند پر اپنی ٹیم کو چھکے کے ذریعے جتواتا ہے تو سب کو شارجہ ہی یاد آتا ہے۔

جمہوریت، سیکولر ازم اور مذہبی سیاسی جماعتیں

مذہب کے نام پر کوئی متفقہ سیاسی نظام بن ہی نہیں سکتا کیونکہ مذاہب کے درجنوں دھڑے کسی ایک ایشو پر متفق نہیں ہو سکتے۔

یکسانیت اور رنگا رنگی

یکسانیت جانی پہچانی بلکہ اطمینان بخش بھی ہوسکتی ہے، لیکن اس کا مطلب ہے چیلنج سے بچنا، جس کے بغیر کامیابی ممکن نہیں۔