21 اگست, 2014 | 24 شوال, 1435
ڈان نیوز پیپر

تھرمل پلانٹس، تھر کوئلے پر چلانے کا فیصلہ

وزیرِ اعظم کی زیرِ صدارت تھر کوئلے کو تھرمل پلانٹس میں استعمال کرنے کی منظوری ۔ رائٹرز تصویر

حکومت نے ملک کے تمام تھرمل پاور پلانٹس کو تھر سے حاصل شدہ کوئلے پرچلانے کا فیصلہ کرلیا ہے اور وزیراعظم نے فیصلے کی باقاعدہ منظوری دے دی۔

وزیراعظم راجہ پرویز اشرف کی زیر صدارت اسلام آباد میں تھرکول اینڈ انرجی بورڈ کا اجلاس ہوا۔

اجلاس میں تھرکول سے حاصل ہونے والے کوئلے کوبروئے کار لانے کا جائزہ لیا گیا، اجلاس میں ملک بھر کے تمام تھرمل پاور پلانٹس کو تھرکول سے حاصل ہونے والے کوئلے پر چلانے کا فیصلہ کیا گیا اور وزیرِ اعظم نے اس عمر کی باقاعدہ منظوری بھی دیدی۔

وزیراعظم کا کہنا تھا کہ مستقبل میں کوئی بھی تیل سے چلنے والا تھرمل پاور پلانٹ نہیں لگایا جائے گا، اجلاس میں فیصلہ کیا گیا کہ آئندہ بجلی پیدا کرنے کے تمام منصوبے تھرکول کے کوئلے کے ذخائر کے مطابق بنائے جائیں گے۔

اجلاس کو بتایا گیا کہ سندھ اینگرو کول مائننگ کمپنی اور اینگرو کارپوریشن تھرکول کے بلاک ٹو میں کوئلہ  نکالنے اور بجلی پیدا کرنے کے پروجیکٹس پر کام کر رہے ہیں اور وہ چھ اعشاریہ پانچ ملین ٹن کوئلہ سالانہ نکالیں گے۔

دونوں کمپنیاں بارہ سو میگاواٹ کا پاور پلانٹ بھی نصب کر رہی ہیں۔

اجلاس میں حکومت نے ان منصوبوں کے لیے گارنٹی فراہم کرنے کی منظوری بھی دی۔اجلاس کو بتایا گیا کہ آٹھ سو میگاواٹ کے موجودہ تھرمل پاور پلانٹس کو تھر کے کوئلے سے چلایا جائے گا اور جامشورو میں چھ سو میگاواٹ کے نئے پاور پلانٹس لگائے جائیں گے جو کوئلے سے چلیں گے۔

وزیراعظم نے ان منصوبوں کے لیے ایک ہفتے کے اندر معاہدہ کرنے کی بھی ہدایت کردی۔ وزیراعظم کا کہنا تھا کہ اگر ہم نے وقت پر فیصلے نہ کیے تو تاریخ ہمیں کبھی معاف نہیں کرے گی آج ہم نے تاریخی فیصلے کیے اور قومی وسائل سے بجلی پیدا کرنے کی نئی پالیسی دی ۔

اجلاس میں وزیراعلٰی سندھ، وزیر خزانہ، مشیر پیٹرولیم ، وزیر پانی و بجلی سمیت اعلٰی حکام نے شرکت کی۔

اس حصے سے مزید

انتخابی اصلاحات کمیٹی:کارروائی ’’خفیہ‘‘ ہوگی، نوٹیفیکیشن جاری

کمیٹی کے قواعد و ضوابط کا نوٹیفکیشن جاری کر دیا گیا،3ماہ میں رپورٹ پارلیمنٹ میں پیش کرنے کی پابندی عائد

نواز شریف کے استعفیٰ تک بات چیت نہیں ہوگی، عمران خان

دوسری جانب ڈاکٹر طاہر القادری نے 'انقلاب' مارچ کے شرکاء سے کہا ہے کہ دھرنا جاری رکھیں مگر پارلیمنٹ کامحاصرہ ختم کردیں۔

وزیراعظم کا عمران خان سے مذاکرات کا فیصلہ

ایک اجلاس میں فیصلہ کیا گیا ہے کہ چوہدری سرور مارچ اور دھرنے ختم کرنے پر پی ٹی آئی اور پی اے ٹی کو راضی کریں گے۔


تبصرے بند ہیں.
سروے
مقبول ترین
قلم کار

پاکستان کا اتاترک

روز روز یہی سننے کو مل رہا ہے کہ ہمیں ایک ایسے اتاترک کی ضرورت ہے جو'اس نظام' کو بدل دے-

نمبروں کی غلط فہمی

یہ ایک افسوسناک بات ہے کہ سوئس بینک میں رقم کے بارے میں ایک بالکل بے تکا اندازہ اتنے عرصے سے خبروں میں گردش کررہا ہے۔

بلاگ

پاک سری لنکا ٹیسٹ سیریز – ایک جائزہ

امید کی جانی چاہئے کہ پاکستانی ٹیم ٹیسٹ سیریز میں اپنی شکست کا بدلہ ون ڈے سیریز میں لینے کی پوری کوشش کرے گی۔

جارج اورویل کی جائے پیدائش کا دورہ

حکومت نے ان کی جائے پیدائش پرایک میوزیم کی تعمیر کا بھی اعلان کیا ہے، جس سے اس عظیم لکھاری کی یاد قائم رکھی جا سکے گی۔

پیارے افضل' اچھوتی کہانی، بہترین پرفارمنس'

چند ماہ سے ملک بھر میں دیکھے اور پسند کیے جانے والے ڈرامہ کو رواں سال کا اب تک کا بہترین کھیل قرار دیا گیا ہے-

انقلاب کو میرے لان سے ہٹاؤ

اسلام آباد کے رہائشی اس بات کو قبول نہیں کریں گے، کہ انقلابی ان کے لان میں ڈیرے ڈال کر بیٹھ جائیں۔