کراچی: فیکٹری میں آگ، دو افراد زخمی
05 اکتوبر 2012
کراچی: کراچی کے علاقے سائٹ ایریا کی ایک فیکٹری میں آگ لگنے کی وجہ سے ایک فائر فائٹر سمیت دو افراد جھلس کر زخمی ہوگئے۔
سائٹ ایریا میں پیپر اور ٹشو بنانے کی فیکٹری میں آگ لگنے کے بعد فائربریگیڈ کی چھ سے زائد گاڑیاں آگ بجھانے میں مصرف ہیں۔
امدادی کوششوں کے دوران فائر فائٹر سمیت دو افراد جھلس کر زخمی ہوگئے تاہم فیکٹری میں پھنسے تمام افراد کو بحفاظت نکال لیا گیا۔
آگ فیکٹری میں جاری تعمیراتی کام کے دوران ویلڈنگ کی چنگاری کے باعث لگی۔
آتشزدگی کے نتیجے میں لاکھو ں روپے مالیت کا سامان جل کر تباہ ہوگیا تاہم ٹشو پیپر اور پیمپر کے بڑے گودام کو جلنے سے بچالیا گیا۔
تبصرے (2) بند ہیں