16 ستمبر, 2014 | 20 ذوالقعد, 1435
ڈان نیوز پیپر

پرویز مشرف کی اہلیہ کے ذرائع آمدن کی تحقیقات کا حکم

پرویز مشرف ایسپن آئیڈیاز فیسٹیول میں۔ اے پی فوٹو

راولپنڈی: راولپنڈی کی انسداد دہشتگردی کی خصوصی عدالت نے سابق صدر پرویز مشرف کی اہلیہ صہبا مشرف کے ذرائع آمدن کی تحقیقات کرانے کا حکم دے دیا۔

بینظیر بھٹو قتل کیس میں پرویز مشرف کے اکاؤنٹس منجمند کرنے کے خلاف درخواست کی سماعت کے دوران راولپنڈی کی انسداد دہشتگردی کی خصوصی عدالت نے کیس کی سماعت کی۔

صہبا مشرف کی درخواست کی سماعت کے دوران ان کے وکیل الیاس صدیقی ایڈوکیٹ نے اپنے دلائل میں کہا کہ پرویز مشرف نے دو سال پہلے چک شہزاد فارم صہبا مشرف کو تحفے میں دیا تھا۔

جس پر ایف آئی اے پروسیکیوٹر چوہدری ذوالفقار نے کہا کہ اگر فارم ہاؤس صہبا مشرف کو گفٹ کیا گیا تو سی ڈی اے ریکارڈ میں اس کے تاحال پرویزمشرف مالک کیسے ہے۔

ایف آئی اے پروسیکیوٹر نے کہا کہ پرویز مشرف اشتہاری ملزم ہیں اور ان کے مجموعی طور پر سولہ اکاؤنٹس ہیں، جن میں سے سات اکاؤنٹس مشترکہ ہیں۔

اس پر عدالت نے صہبا مشرف کے ذرائع آمدن کی تحقیقات کا حکم دیتے ہوئے درخواست پر سماعت بیس اکتوبر تک ملتوی کردی۔

قبل ازیں صہبا مشرف نے بے نظیر قتل کیس میں اپنے شوہر کے اثاثہ جات ضبط کرنے اور بنک اکاؤنٹ منجمند کرنے کے فیصلے کے خلاف ستمبر سن دو ہزار گیارہ میں ایک درخواست  دائر کی تھی جس میں عدالتی فیصلے پر سٹے کی درخواست کی گئی تھی۔

ان کا کہنا تھا کہ ان کے شوہر کو اس کیس میں اشتہاری قرار دینے اور ان کی جائیداد ضبط کرنے کے فیصلے کو واپس لیا جائے اور ضبط شدہ جائیداد درخواست گزار کے حوالے کردی جائے۔

اس حصے سے مزید

چیف جسٹس جمہوریت کو بچائیں، عمران خان کی اپیل

پی ٹی آئی کے چیئرمین کا کہنا ہے کہ سپریم کورٹ کا فرض ہے کہ وہ جمہوریت بچانے کے لیے اپنا آئینی کردار ادا کرے۔

پی ٹی وی حملہ کیس نے اسلام آباد پولیس کو کردیا شرمندہ

پولیس نے پی ٹی وی حملہ کیس میں سرکاری چینیل کے ہی دو ملازمین کو ملزمان میں شامل کردیا تھا۔

'درآمدی ایل این جی سے ڈھائی ارب ڈالرز کی سالانہ کی بچت ہوگی'

وفاقی وزیر برائے پٹرولیم اور قدرتی وسائل شاہد خاقان عباسی نے ایل این جی کی درآمد کو ملک میں ایک بڑی تبدیلی قرار دیا۔


تبصرے بند ہیں.
سروے
مقبول ترین
قلم کار

باغیوں کی ضرورت ہے

موجودہ حکومت انتہائی قابل سول سرونٹس کو بھی صرف اس لیے ناپسند کرتی ہے، کیونکہ وہ درباریوں کی طرح نیازمندی نہیں دکھاتے۔

چھوٹے باغیچوں کی اہمیت

غریب خواتین کو لیز پر چھوٹے پلاٹ دیے جاسکتے ہیں، جہاں وہ اپنے گھر والوں کے لیے کھانے کی چیزیں اگا سکیں۔

بلاگ

جب خاموشی بہتر سمجھی جائے

اس بات کو تسلیم کرنا ہو گا کہ برطانوی پاکستانیوں کے پاس جنسی استحصال پر بات کرنے کے لیے آزادی نہیں ہے۔

نائنٹیز کا پاکستان - 6

اندازے کے مطابق اس دور میں پاکستانی فوج ہر ماہ اوسط ساڑھے سات کروڑ ڈالر ’مجاہدین‘ پر خرچ کر رہی تھی۔

ماضی کی جھلکیاں، میرانِ تالپورکے مقبرے

یہ دیکھ کر بہت افسوس ہوتا ہے کہ مزارات کافی خراب حالت میں ہیں۔ یہ بھی نہیں کہا جا سکتا کہ کس وقت دیواریں منہدم ہوجائیں۔

ٹیم کو محمد حفیظ کی ضرورت ہے

ٹی-20 اور ون ڈے، دوںوں ہی میں وہ سب سے اچھے آل راؤنڈر ہیں، اور یہاں وہ پاکستان کے لیے اپنی خدمات انجام دے سکتے ہیں۔