30 جولائ, 2014 | 2 شوال, 1435
ڈان نیوز پیپر

' کرکٹ امپائر بھی میچ فکسنگ میں ملوث'

ایک ہندوستانی ٹی وی چینل نے دعویٰ کیا ہے کہ آئی سی سی امپائر بھی مبینہ طور پر میچ فکسنگ میں ملوث رہے ہیں۔ رائٹرز تصویر

کراچی: ایک پرائیوٹ ہندوستانی ٹی وی چینل نے پیر کے روز نے اپنی ویب سائٹ پر ایک ویڈیو جاری کی ہے جس میں دعویٰ کیا گیا ہے کہ بنگلہ دیش، پاکستان اور سری لنکا کے امپائر بھی میچ فکسنگ میں ملوث ہیں۔

انڈیا ٹی وی نامی ایک ہندوستانی ٹی وی چینل پر نشر کردہ ایک رپورٹ کے مطابق پاکستانی امپائر ندیم غوری اور انیس صدیقی، بنگلہ دیشی امپائر نادر شاہ، سری لنکن امپائرگامینی دیسانائکے، مورس ونسٹن اور سگارا گلاگے بھی ان میں شامل ہیں جنہوں نے رقم کے بدلے اہم معلومات کا انکشاف کیا اور امپائرنگ کے فیصلے بھی فکس کئے۔

پیر کو دیر گئے تک انٹرنیشنل کرکٹ کونسل، آئی سی سی نے جاری کردہ اپنے ایک بیان میں کہا ہے کہ اس نے ٹی وی چینلز سے اپنے کسی آفیشل کے اس کرپشن میں ملوث ہونے کے ثبوت طلب کئے ہیں۔

آئی سی سی نے اپنے بیان میں کہا  ہے کہ انڈیا ٹی وی سے آئی سی سی اور ان کے آفیشلز کے علم  میں یہ بات آئی اور اس کے بعد شام میں ٹی وی چینل سے رابطہ کیا گیا کہ وہ فوری طور پر اس معاملے میں تفتیش کیلئے کونسل کی مدد کرے۔

" آئی سی سی اس بات کی تصدیق کرتی ہے کہ جن امپائر کے نام لئے گئے ہیں انہوں نے سری لنکا میں منعقدہ آئی سی سی ورلڈ ٹی ٹوئنٹی کے کسی بھی مقابلے میں حصہ نہیں لیا تھا۔ "

رپورٹ کے مطابق، آئی سی سی کے بین الاقوامی پینل میں شامل ایک پاکستانی امپائر ندیم غوری ہرطرح سے ہندوستانی ٹیم کی مدد کے لئے راضی ہوگئے تھے۔ انہوں نے رقم کے بدلے امپائرنگ کے دوران ہر کھلاڑی کی ہرطرح سے مدد کا وعدہ بھی کیا۔

سابق پاکستانی کرکٹر ندیم غوری پانچ ٹیسٹ میچ، چار ٹی ٹوئنٹی انٹرنیشنلز اور تینتالیس ون ڈے میچوں میں امپائرنگ کرچکے ہیں۔ انہوں نے  سن دوہزار میں اپنے امپائرنگ کیریئر کا آغاز کیا تھا۔

دوسری جانب انیس صدیقی کے متعلق بھی کہا گیا ہے کہ وہ رقم کے بدلے ہندوستانی ٹیم کو فیور دینے پر آمادہ تھے۔ رپورٹ کے مطابق انہوں نے پس پردہ رہنے والے ہندوستانی رپورٹر سے کہا کہ وہ ساری رقم بلیک میں چاہتے ہیں اور انہوں نے وعدہ بھی کیا کہ وہ پاکستانی کرکٹ بورڈ کو ہندوستان کے حق میں جانے والے فیصلے قبول کرنے پر قائل کرلیں گے۔

انیس صدیقی پاکستان کرکٹ بورڈ کے ایلیٹ پینل سے وابستہ ہیں اور دوہزار آٹھ سے امپائرنگ کررہے ہیں۔

رپورٹ مزید کہتی ہے کہ سری لنکن امپائر گلاگے پچ، ٹاس، ٹیم شیٹس اور دیگر اہم معلومات فراہم کرنے کیلئے راضی تھے۔ وہ یہ معلومات سری لنکن پریمیئر لیگ کے فائنل کیلئے فراہم کرنے آمادہ تھے۔

رپورٹ میں دعویٰ کیا گیا ہے کہ پچاس ہزار روپے کے بدلے سگارا میچ کی پچ رپورٹ ، ٹاس کی رپورٹ اور کھلائے جانے والے گیارہویں کھلاڑی تک کی رپورٹ دینے کی حامی بھرے بیٹھے تھے۔

رپورٹ کے مطابق، سری لنکن امپائر، حالیہ ٹی ٹوئنٹی میچ کے وارم اپ میچ میں پاکستان اور انڈیا کے آفیشل پینل کا حصہ تھے۔

اس حصے سے مزید

پاکستان میں آج عیدالفطر منائی جا رہی ہے

عید کے موقع پر ملک کے اہم شہروں میں سیکورٹی کے خاص انتظامات کئے گئے ہیں۔

انقلاب صرف جمہوریت کے ذریعے ہی آئے گا، وزیراعظم

نواز شریف نے احتجاج کرنے والوں کو کہا ہے کہ وہ سڑکوں پر آنے کے بجائے بات چیت کا راستہ اختیار کریں۔

عمران خان لانگ مارچ مؤخر کریں گے، ایم کیوایم کا دعویٰ

باثوق ذرائع نے بتایا ہے کہ عمران خان اپنے احتجاجی دھرنے کو بہت جلد موخر کرنے کا اعلان کریں گے، ایم کیو ایم


تبصرے بند ہیں.
سروے
مقبول ترین
قلم کار

بجٹ اور صحت کا شعبہ

ایسا لگتا ہے کہ صحت کے بجٹ کی بڑھتی ہوئی ضروریات کیلئے عطیات دینے والے ملکوں کے پیسے پر زیادہ انحصار کیا جاتا ہے

جنگ اور ہوائی سفر

پرواز کرنے کا معجزہ، جو انسانی ذہانت کا خوشگوار مظہر ہے، انسان کے انتقامی جذبات اور خون کی پیاس کی نذر ہوگیا ہے

بلاگ

مووی ریویو: 'کک' صرف سلمان خان کی فلم نہیں

باصلاحیت اداکاروں کے ساتھ فلم بنا کر ساجد ناڈیا والا نے خود کو ایک قابل ڈائریکٹر منوا لیا ہے۔

عید پر انکو نہ بھولیں

رمضان میں انسانی ہمدردی کا جو جذبہ آپ کے دلوں میں پیدا ہوتا ہے اسے محض وقتی ابال ثابت نہ ہونے دیں-

کراچی کی قدیم عید گاہیں

سمجھا یہ جاتا ہے کہ کراچی کی پہلی عید گاہ بندر روڈ پر جامع کلاتھ مارکیٹ کے بالمقابل ہے لیکن تاریخی حقائق کچھ اور ہیں

ترغیب و خواہشات: رمضان کا نیا چہرہ؟

کسی مقامی رمضان ٹرانسمیشن کو لگائیں اور وہ سب کچھ جان لیں جو اب اس مقدس مہینے کے نئے چہرے کو جاننے کے لیے ضروری ہے