29 اگست, 2014 | 2 ذوالقعد, 1435
ڈان نیوز پیپر

ڈاکٹر شیر افگن انتقال کر گئے

سابق وزیر ڈاکٹر شیر افگن میڈیا سے گفتگو کرتے ہوئے۔— فائل فوٹو

لاہور: پاکستان کے سینیئر سیاست دان ڈاکٹر شیر افگن نیازی جمعرات کو میانوالی میں انتقال کر گئے۔

ڈان نیوز کی رپورٹ کے مطابق، سابق وفاقی وزیر گزشتہ چھ ماہ سے جگر کے سرطان میں مبتلا تھے۔

وہ سابق فوجی سربراہ جنرل پرویز مشرف کے دور حکومت میں پارلمینی امور کے وفاقی وزیر بھی رہ چکے تھے۔

تاہم انہوں نے اختلافات کی وجہ گزشتہ سال بطور سینیئر نائب صدر آل پاکستان مسلم لیگ کے عہدے سے استعفی دے دیا تھا۔

یکم جنوری انیس سو چھیالیس میں میانوالی میں پیدا ہونے والے افگن نے اپنے سیاسی سفر کا آغاز پاکستان پیپلز پارٹی سے کیا تھا۔

انیس سو چھیاسٹھ میں ایم بی بی ایس کی ڈگری حاصل کرنے کے بعد انہوں نے عملی سیاست کے میدان میں قدم رکھا۔

وہ انیس سو اناسی سے انیس سو چھیاسی تک میانوالی کے ضلع کونسل کے ممبر رہے جبکہ انیس سو پچاسی، انیس سو اٹھاسی اور انیس سو ترانوے میں قومی اسمبلی کے رکن منتخب ہوئے۔

ڈاکٹر افگن اپنی سیاسی زندگی میں پارلیمانی امور، قانون اور  انسانی حقوق کے وزیر بھی رہے۔

وہ سن دو ہزار میں پیپلز پارٹی پارلیمنٹیرینز کی رکنیت سے مستعفی ہوکر  پیپلز پارٹی پیٹریاٹ میں شامل ہوگئے جو بعد میں قاف لیگ میں ضم ہوگئی۔

سابق صدر پرویز مشرف نے آل پاکستان مسلم لیگ کے قیام کا اعلان کیا تو وہ اس میں شامل ہوگئے تاہم کچھ عرصے بعد اسے بھی خیرباد کہہ دیا۔

ڈاکٹر شیر افگن  کو ماہر آئین بھی کہا جاتا تھا جس کی بڑی وجہ یہ تھی کہ انہیں آئین کی تمام شقیں ازبر تھیں ۔

مشرف نے ان کے انتقال پر اظہار افسوس کرتے ہوئے کہا ہے کہ  ملک کے لیے ان کی خدمات کو ہمیشہ یاد رکھا جائے گا۔

آل پاکستان مسلم لیگ کی طرف سے جاری ہونے والے ایک بیان میں پارٹی کے صدر پرویز مشرف نے سابق وفاقی وزیر کے انتقال پر افسوس  کا اظہار کرتے ہوئے ٹیلیفون پر ان کے اہلخانہ سے تعزیت کی۔

اس حصے سے مزید

پشاور: چار سال سے مغوی پروفیسر اجمل خان بازیاب

رپورٹس کے مطابق سیکیورٹی فورسز نے آپریشن کے دوران پروفیسر اجمل کو بازیاب کیا گیا، ان کو 2010 میں اغوا کیا گیا تھا

پاک افغان سرحد کے قریب بم دھماکا، دو اہلکار زخمی

سڑک کنارے نصب کیا گیا بارودی مواد دھماکے کے ساتھ پھٹ گیا، جس سے سیکیورٹی فورسز کی گاڑی مکمل طور پر تباہ ہو گئی۔

پشاور میں سعودی ایئر لائنز کی سروس بحال

سعودی ایئر لائنز کی حج پرواز آج بروز جمعرات سوا دوبجے باچا خان ایئرپورٹ سے جدہ کے لیے روانہ ہو گی۔


تبصرے بند ہیں.
سروے
مقبول ترین
قلم کار

متوازی سیاست

بعض لحاظ سے ان میں اور ان لوگوں میں کوئی بہت زیادہ فرق نہیں ہے جنھیِں وہ ہٹانا چاہتے ہیں-

انتخابی اصلاحات کی فوری ضرورت

پاکستان میں انتخابی عمل کوشفاف اور غیر متنازعہ بنانے کے لیے انتخابات کے آٹھ شعبوں میں اصلاحات کی ضرورت ہے۔

بلاگ

پاکستان کی نوجوان نسل اور غیرت بریگیڈ

"فحاشی" ایک دماغی بیماری ہے جس کا شکار ذہن عورت کو گھر کی دہلیز سے باہر دیکھ کر شدید 'صدمے' کا شکار ہو جاتا ہے۔

ڈی چوک، گدھا اور نا تجربہ کار حجام

آپ کے لیڈر رہیں یا چلے جائیں، یا رسی سے گدھا بندھا ہو یا نہیں، لیکن کسی نا تجربہ کار شخص کو اپنی حجامت مت بنانے دیجئے گا

دھرنے بمقابلہ جمہوریت

جمہوریت میں ہر بندے کی رائے برابر کی اہمیت رکھتی ہے۔ ممکن ہے کہ وہ سیاست دان بھی منتخب ہوجائیں، جو لیڈرشپ کے قابل نہیں۔

آزادی کے سائیڈ افیکٹس

اس قوم کا مزید آزادی کی بات کرنا بہت حیران کن ہے۔ یہ قوم تو آزادی کے سائیڈ افیکٹس کا شکار ہے۔