01 ستمبر, 2014 | 5 ذوالقعد, 1435
ڈان نیوز پیپر

ملالئے حملے میں ملوث چند افراد گرفتار، پولیس

ملالہ یوسفزئی- فائل فوٹو

مینگورہ: سوات پولیس کا کہنا ہے کہ اس نے سوات سے تعلق رکھنے والی بین الاقوامی شہرت یافتہ امن کی کارکن ، ملالہ یوسفزئٰی پر حملے میں ملوث چند افراد کو گرفتار کیا ہے۔ ملالے کو سوات میں خصوصاً لڑکیوں کی تعلیم کے فروغ اور طالبان پر تنقید کرنے کے پاداش میں نشانہ بنایا گیا تھا اور طالبان نے اس کی ذمے داری قبول کرلی تھی۔

مینگورہ کے ایک سینیئر پولیس اہلکار، افضل خان آفرہد ی نے بتایا کہ پولیس نے اس واقعے میں ملوث افراد کو گرفتار کیا ہے۔

انہوںنے ان افراد کی تعداد بتانے سے گریز کیا نہ ہی یہ بتایا کہ ملالہ پر حملے میں ان کا کیا کردار تھا اور یہ بھی نہیں بتایا کہ پولیس نے ان ملزمان کو گرفتار کیسے کیا ہے۔

واضح رہے کہ ملالہ کو منگل کے روز اسکی دو سہیلیوں کے ساتھ اس وقت گولی ماری گئی جب وہ اسکول وین میں بیٹھ کر اپنے گھر آرہی تھی۔ اب وہ راولپنڈی کے ایک ہسپتال میں زیرِ علاج ہیں۔

چھتیس سے اڑھتالیس گھنٹے اہم قرار

دوسری جانب  پاکستان فوج کے ترجمان نے کہا ہے کہ ملالہ یوسف زئی کی حالت پہلے سے بہتر ہے تاہم آئندہ چھتیس سے اڑتالیس گھنٹے اہم ہوں گے۔

ڈی جی آئی ایس پی آر کے سربراہ میجرجنرل عاصم باجوہ کے مطابق ملالہ کو ڈاکٹروں کی ہدایت پر راولپنڈی منتقل کیا گیا ہے۔

انہوں نے جمعہ کو میڈیا بریفنگ کے دوران بتایا کہ ملالہ کے ٹیسٹ لیے جارہے ہیں اور اس کے علاوہ میجر جنرل کی سربراہی میں میڈیکل ٹیم تشکیل بھی دے دی گئی ہے۔

ڈی جی آئی ایس پی آر کا کہنا تھا کہ پینل میں تمام ڈاکٹرز پاکستانی ہیں تاہم دو غیر ملکی ڈاکٹرز سے بھی مشورہ لیا گیا ہے۔

باجوہ کا کہنا تھا کہ سوات میں عسکریت پسندوں کے ہاتھوں زخمی ہونے والی بچیوں کے والدین کے حوصلے بلند ہیں اور ملزمان کی گرفتاری کے لیے کوششیں جاری ہیں۔

بیرون ملک علاج کے لیے بھیجنے کےحوالے سے انہوں نے کہا کہ ملالہ کو بیرون ملک منتقل کرنے کا فیصلہ میڈیکل بورڈ ہی کرے گا۔

اس حصے سے مزید

شاہراہِ دستور پر صحافت ایک جرم ہے

میڈیا کے نمائندے جو کچھ منظر میں ہوتا ہے، وہی ناظرین کو دکھاتے ہیں، لیکن شاہراہِ دستور پر ان کا یہ فرض جرم بن گیا تھا۔

موجودہ سیاسی بحران، سپریم کورٹ کی ثالثی کی پیشکش

عدالت نے تحریک انصاف اورعوامی تحریک کے وکلاء کو قیادت سے مشورے کے لیے ایک گھنٹہ کا وقت دیا ہے۔

آرمی چیف کی وزیراعظم سے اہم ملاقات جاری

اس ملاقات میں آرمی چیف گزشتہ روز ہونے والی کور کمانڈرز کانفرنس میں ہونے والے فیصلوں سے وزیراعظم کو آگاہ کریں گے۔


تبصرے بند ہیں.

تبصرے (2)

ALi
13 اکتوبر, 2012 05:09
apko 69 bachay jo madarsay me parhay hoy amrici dron me shaheed hoy wo nazar nai aty ?
razia
24 مارچ, 2013 05:11
malala ko itna imptant ku banaya hua hai....us k ilawa b itne masoom logo ka qatl e aam ho raha hai
سروے
مقبول ترین
قلم کار

مودی اور مسئلہ کشمیر

کیا پاکستان مسئلہ کشمیر کو ایسے ہی رہنے دینا چاہتا ہے، تاکہ کشمیر سے زیادہ اہم افغانستان کے مسئلے پر توجہ دے سکے؟

اسلام آباد کا تماشا

عمران خان کو یہ تسلیم کرنا چاہیے کہ جوڈیشل کمیشن ایک کمزور وزیر اعظم کے اثر و رسوخ سے آزاد ہو کر تحقیقات کر سکے گا.

بلاگ

نوازشریف: قوت فیصلہ سے محروم

نواز شریف اپنے بادشاہی رویے کی وجہ سے پھنس چکے ہیں، جو فیصلے انہیں چھ ماہ پہلے کرنے چاہیے تھے وہ آج کر رہے ہیں۔

حالیہ بحران پر کچھ سوالات

مستقبل میں کیا ہو گا، بحران کا کیا حل نکلے گا، ان سوالات کے جوابات موجود نہیں ہیں، پر اس حوالے سے کئی سوالات موجود ہیں۔

پکوانی کہانی- سندھی بریانی

ہر قسم کی بریانیوں میں سے یہ بریانی منفرد حیثیت رکھتی ہے جو سندھی طریقے سے بہت زیادہ مصالحوں کے ساتھ تیار ہوتی ہے۔

‫ڈرامہ ریویو: وہ۔۔۔ دوبارہ (خوف و دہشت کا احساس)

انسان چاہے بد روحوں سے جتنا بھی ڈرے مگر ان پر بنی فلموں یا ڈراموں کو دیکھنے کا شوق پھر بھی اس کا پیچھا نہیں چھوڑتا۔