فوٹو اے ایف پی

کراچی: شہر قائد میں میں فائرنگ اور دیگر واقعات میں پولیس اہلکار اور گینگ وار کے اہم رکن  سمیت دس افراد ہلاک ہوگئے۔

فائرنگ کا تازہ واقعہ ابو الحسن اصفہانی روڈ پر پیش آیا جہاں نامعلوم افراد نے چار افراد کو ہلاک کر دیا۔ واقعے کے بعد علاقے میں کشیدگی پھیل گئی اور دکانیں اور کاروبار بند ہو گیا۔

نارتھ ناظم آباد میں نامعلوم افراد کی فائرنگ سے ایک شخص چل بسا جبکہ بلدیہ ٹاؤن گلشن غازی میں نامعلوم افراد نے فائرنگ کر کے پولیس اہلکار کو ہلاک کردیا۔

نئی کراچی سیکٹر فائیو جے میں مسلح افراد نے گولیاں مار کر سیاسی جماعت کے کارکن کو موت کے گھاٹ اتار دیا جبکہ کھارادر میں بھی فائرنگ سے سلمان نامی شخص ہلاک ہوگیا۔

لانڈھی میں نامعلوم افراد کی فائرنگ سے سلیم ہلاک جبکہ دو افراد زخمی ہو گئے۔

ڈالمیا شانتی نگر میں پولیس نے کارروائی کے دوران مقابلہ کے بعد گینگ وار کے اہم رکن ستار بروہی کو ہلاک کردیا۔