لاہور: علی عمران ڈیفنس بی پولیس اسٹیشن میں اپنا بیان رکارڈ کرانے آ رہے ہیں۔— ائی این پی فوٹو

لاہور: لاہور کی مقامی عدالت نے بیکری ملازم تشدد کیس میں وزیراعلیٰ پنجاب کے داماد علی عمران کی ضمانت منظور کرکے انہیں رہا کرنے کا حکم دیا ہے۔

ڈیفنس کے علاقے میں متعلقہ کیس میں گرفتار علی عمران نے مقامی عدالت میں ضمانت کی درخواست دائر کر رکھی تھی۔

جمعہ کو کینٹ کچہری میں سماعت کے آغاز پر ان کے وکلاء نے دلائل دیے کہ  ان کے موکل کا کیس سے کوئی تعلق نہیں، لہذا انہیں رہا کیا جائے۔

وکلاء کے مطابق پولیس کی طرف سے پیش کی گئی تحقیقاتی رپورٹ میں بھی انہیں بے گناہ قرار دیا گیا ہے۔

جس پر عدالت نے پچاس ہزار کے مچلکوں پر علی عمران  کی ضمانت منظور کرتے ہوئے انہیں رہا کرنے کا حکم دیا۔