23 ستمبر, 2014 | 27 ذوالقعد, 1435
ڈان نیوز پیپر

قومی ترانہ پڑھنے کا عالمی ریکارڈ

ہفتہ کے روز لاہور کے نیشنل ہاکی اسٹیڈیم میں ستر ہزار سے زائد افراد نے ایک ساتھ قومی ترانہ پڑھ کر ریکارڈ قائم کرتے ہوئے گینز بک آف ورلڈ ریکارڈ میں نام درج کرا لیا۔ -- اے ایف پی فوٹو

لاہور: پنجاب یوتھ فیسٹیول میں ستر ہزار سے زائد افراد نے ایک ساتھ قومی ترانہ پڑھ کر عالمی ریکارڈ قائم کر دیا۔ تقریب میں ثقافتی رقص بھی پیش کیے گئے۔

ہفتہ کے روز لاہور کے نیشنل ہاکی اسٹیڈیم میں ستر ہزار سے زائد افراد نے ایک ساتھ قومی ترانہ پڑھ کر ریکارڈ قائم کرتے ہوئے گینز بک آف ورلڈ ریکارڈ میں نام درج کرا لیا۔

 اسٹیڈیم لوگوں سے کھچا کچھ بھرا ہوا تھا جن میں خواتین بچوں اور بوڑھے افراد کی بھی بڑی تعداد شامل تھی۔ اس موقع پر لوگوں کا جوش و جذبہ بھی دیدنی تھا اور اسٹیڈیم میں ہر طرف قومی پرچم لہرا رہے تھے۔

 اس موقع پر مشعل روشن کر کے اسے پورے اسٹیڈیم میں گھمایا گیا اور پنجاب کا ثقافتی رقص بھی پیش کیا گیا۔

 سب سے زیادہ افراد کا یک زبان ہو کر قومی ترانہ پڑھنے کا ریکارڈ اس سے پہلے ہندوستان کے پاس تھا جب پچیس جنوری دو ہزار بارہ کو ہندوستان کے ساٹھویں یوم جمہوریہ پر اورنگ آباد میں پندرہ ہزار دو سو تینتالیس افراد نےہندوستان کا قومی ترانہ "جانہ مانا گانا" پڑھا۔

 ہندوستان سے قبل یہ ریکارڈ پاکستان کے پاس تھا جب چودہ اگست دو ہزار گیارہ کو ملک کے چونسٹھویں یوم آزادی پر پانچ ہزار آٹھ سو افراد نے پاکستان کا قومی ترانہ پڑھ کر یہ اعزاز حاصل کیا۔ یہ ریکارڈ کراچی کے ڈیفنس اسٹیڈیم میں قائم کیا گیا تھا۔

 دلچسپ بات یہ ہے کہ اس سے پہلے سب سے زیادہ افراد کا قومی ترانہ پڑھنے کا ریکاڈر ہندوستان کے ہی پاس تھا لیکن پاکستان کی جانب سے نشاندہی کی گئی کہ ریکارڈ بناتے وقت قومی ترانہ نہیں بلکہ بندے ماترم پڑھا گیا جو ہندوستان کا قومی ترانہ نہیں جس کے بعد یہ ریکارڈ حزف کر دیا گیا تھا۔

 یکم ستمبر دو ہزار نو کو فلیپائن میں پانچ ہزار دو سو اڑتالیس افراد نے یک زبان ہو کر قومی ترانہ پڑھ کر گینیس بک آف ورلڈ ریکارڈز میں جگہ بنائی تھی۔

اس حصے سے مزید

لیفٹیننٹ جنرل رضوان اختر ڈی جی آئی ایس آئی مقرر

رضوان اختر اب تک ڈائریکٹر جنرل رینجرز کے عہدے پر کام کررہے تھے، وہ جلد ہی اپنی نئی ذمہ داری سنبھال لیں گے۔

سرکاری اداروں میں بھرتیوں پرپابندی ختم

وفاقی کابینہ کے اجلاس میں فیصلہ کیا گیا کہ سیلاب متاثرین کو فی خاندان 25 ہزار روپے امداد دی جائے۔

گورنر پنجاب کا شریف برادران سے اختلافات کی تردید

میں مستعفی نہیں ہورہا، اس حوالے سے رپورٹس میں کوئی صداقت نہیں ہے کہ لندن سے واپسی پر میں استعفیٰ دے دوں گا۔


تبصرے بند ہیں.
سروے
مقبول ترین
قلم کار

مڑی تڑی باتیں اور مقاصد

چیزوں کو اپنی مرضی کے مطابق توڑ مروڑ کر پیش کرنے، اور غیر آئینی اقدامات سے پاکستان کے مسائل میں صرف اضافہ ہی ہوگا۔

ذمہ داری ضروری ہے

سرکلر ڈیٹ کے لاعلاج مرض کی بدولت عالمی مالیاتی ادارے ہمارے توانائی کے منصوبوں میں سرمایہ کاری میں دلچسپی نہیں رکھتے۔

بلاگ

خواب دو انقلابیوں کے

ایک انقلابی خود کو وزیر اعظم بنتا دیکھ رہا ہے تو دوسرا صدارتی محل میں مریدوں سے ہاتھ پر بوسے کروانے کے خواب دیکھ رہا ہے۔

کوئی ان سے نہیں کہتا۔۔۔

ریڈ زون کے محفوظ باسیو! ہمیں دہشت گردوں، ڈاکوؤں، چوروں، اغواکاروں، تمہاری افسر شاہی اور پولیس سے بچانے والا کوئی نہیں۔

بلوچ نیشنلزم میں زبان کا کردار

لسانی معاملات پر غیر دانشمندانہ طریقہ سے اصرار مزید ناراضگی اور پیچیدگیوں کا سبب بن سکتا ہے، جو شاید مناسب قدم نہیں۔

خواندگی کا عالمی دن اور پاکستان

تعلیم کو سرمایہ کاروں کے رحم و کرم پر چھوڑ دیا گیا ہے جن کے لیے تعلیم ایک جنس ہے جسے بیچ کر منافع کمایا جاسکتا ہے-