02 اکتوبر, 2014 | 6 ذوالحجہ, 1435
ڈان نیوز پیپر

پٹرولیم قیمتوں سے متعلق سمری ای سی سی کو ارسال

اطلاعات کے مطابق وزارت پٹرولیم نے قومی اسمبلی کی قرارداد اور قائمہ کمیٹی کی سفارشات کی مخالفت کی ہے۔ فائل تصویر

اسلام آباد: پٹرولیم مصنوعات کی ہفتہ وار قیمتوں کے طریقہ کار پر نظرثانی کی سمری وزارت پٹرولیم نے اقتصادی رابطہ کمیٹی (ای سی سی) کو ارسال کردی ہے۔

اس سلسلے میں قومی اسمبلی کی قرارداد اور قائمہ کمیٹی کی سفارشات بھی ای سی سی کو بھجوائی گئی ہیں۔

 ذرائع کے مطابق وزارت پٹرولیم نے قومی اسمبلی کی قرارداد اور قائمہ کمیٹی  کی سفارشات کی مخالفت  کی ہے۔

 واضح رہے کہ قومی اسمبلی کی قائمہ کمیٹی نے ہفتہ وار طریقہ کار ختم اور پٹرولیم مصنوعات کی قیمتیں اکتیس جولائی کی سطح پر بحال کرنے کی تین مرتبہ سفارش کی تھی۔

 ذرائع کا کہنا ہے کہ پٹرولیم مصنوعات کے ہفتہ وار طریقہ کار کے مخالفین اوگرا اور وزارت خزانہ سے نظرثانی  کی سمری پر رائے نہیں لی گئی۔

 وزارت پٹرولیم کے حکام کے مطابق وہ اقتصادی رابطہ کمیٹی  کے اجلاس میں ہفتہ وار قیمتوں کے سلسلہ کو  جاری رکھنے کیلیے کوشش کریں گے۔

 دوسری جانب اسلام آباد میں پریس کانفرنس  میں آل پاکستان سی این جی ایسوسی ایشن کے  صدر غیاث پراچہ نے خدشہ ظاہر کیا ہے کہ اگر سی این جی مہنگی کرنے سے متعلق وزارت پٹرولیم کی سمری منظور کرلی گئی تو چونتیس روپے اضافے کے ساتھ  سی این جی کی نئی قیمت ایک سو اٹھائیس روپے فی کلو ہو جائے گی۔

 سی این جی مالکان نے گیس کی قیمت پٹرول کی قیمت کے اسی فیصد  برابر کرنے کی صورت میں عدالت سے رجوع کرنے کا اعلان کیا ہے۔

اس حصے سے مزید

بلدیاتی انتخابات کی تیاری، صوبوں سے 15 دن میں جواب طلب

سپریم کورٹ نے سندھ، پنجاب اور خیبر پختونخوا میں بلدیاتی انتخابات کی تیاریوں کے حوالے سے 15 دن میں جواب طلب کر لیا۔

طاہر القادری بھی عمران خان کے نقشِ قدم پر

عوامی تحریک کے قائد نے دھرنے سے آگے کے لائحہ عمل کااعلان کرتے ہوئے فیصل آباد اور لاہور میں جلسے کرنے کااعلان کردیا ہے۔

گندگی کی وجہ سے دھرنے کے شرکاء بیمار پڑ رہے ہیں

پی اے ٹی کے دھرنے میں تقریباً 75 فیصد شرکاء ڈائریا، ملیریا، جلد، گلے اور سینے کے انفیکشن کا شکار ہورہے ہیں۔


تبصرے بند ہیں.
سروے
مقبول ترین
قلم کار

جنوبی پنجاب کا کیس

پنجاب اس وقت دنیا کی سب سے بڑی وفاقی اکائیوں میں سے ہے۔ آبادی اور رقبے کے لحاظ سے یہ دنیا کے کئی ممالک سے بھی بڑا ہے۔

ماؤں اور بچوں کے قاتل ہم

پاکستان سے کم فی کس آمدنی رکھنے والے ممالک پیدائش کے دوران ماؤں اور بچوں کی اموات پر قابو پا چکے ہیں۔

بلاگ

کیا آپ کی گائے برانڈڈ ہے؟

ہرعید الاضحیٰ کے ساتھ جانوروں پر شوبازی بڑھتی ہی جارہی ہے، جس سے اس مذہبی تہوار کی روحانیت خطرے میں پڑ گئی ہے۔

غیر ملکی سرمایہ کاری: حقیقت یا سراب؟

حکومت نے کئی ارب روپے سے میٹرو بس منصوبہ شروع کر رکھا ہے مگر عوام کو سیلاب سے بچانے کے لیے کوئی منصوبہ نہیں ہے۔

گو نواز گو!

اس ملک میں پڑھے لکھے لوگوں کی قدر ہی نہیں۔ جب تک پڑھے لکھوں کو وی آئی پی پروٹوکول نہیں دیا جاتا یہ ملک ترقی نہیں کرسکتا

قدرتی آفات اور پاکستان

قدرتی آفات سے پہلے انتظامات پر ایک ڈالر جبکہ بعد میں سات ڈالر خرچ ہوتے ہیں، اس کے باوجود ہم پہلے سے انتظامات نہیں کرتے۔