22 اگست, 2014 | 25 شوال, 1435
ڈان نیوز پیپر

ڈی آئی خان میں دھماکہ، نو افراد ہلاک

۔ — فائل فوٹو

ڈیرہ اسماعیل خان:ڈیرہ اسما عیل خان میں کچرے کے ڈھیر میں چھپائے گئے بم کے پھٹنے سے چار بچوں سمیت نو افراد ہلاک جبکہ ایک پولیس اہلکار سمیت اٹھارہ زخمی ہو گئے جبکہ تحریک طالبان پاکستان نے دھماکے کی ذمے داری قبول کر لی ہے۔

ہفتہ کو دھماکہ ڈیرہ اسماعیل خان شہر کے نواحی علاقہ تھویا فاضل کے قریب اس وقت رونما ہوا جب علاقہ کی امام بارگاہ سے عزاداروں کی ایک ٹولی مرکزی ماتمی جلوس میں شرکت کے لیے آ رہی تھی۔

اس دوران مبینہ طور پر کوڑے کے ڈھیر میں چھپائے گئے بم کے دھماکہ سے ٹولی میں شامل چار بچوں سمیت نو افراد ہلاک ہو گئے۔

زخمیوں کو فوراً ڈسٹر کٹ ہیڈ کوارٹر ہسپتال لایا گیا جہاں ایمرجنسی نافذ کر دی گئی تھی۔ دو شدید زخمیوں کو فوری طور پر ملتان روانہ کر دیا گیا۔

ڈان ڈاٹ کام کے نمائندے نے سرکاری حکام کے حوالے سے بتایا کہ حملے میں آٹھ سے دس کلو گرام وزنی دھماکہ خیز مواد استعمال کیا گیا۔

واقعہ کے فوراً بعد سیکورٹی فورسز کے دستوں نے علاقہ کو گھیرے میں لے لیا اور شہر میں بھی سیکورٹی فورسز نے گشت شروع کر دیا۔

پولیس حکام نے جائے وقوعہ سے ایک مشبتہ شخص کو بھی حراست میں لیا ہے۔

شہر میں عزاداران کے علاوہ کسی کو باہر نکلنے کی اجازت نہیں دی جا رہی۔ علاقے میں موبائل سروس بھی بند ہے۔

طالبان نے ذمے داری قبول کرلی:

دوسری جانب تحریک طالبان پاکستان نے حملے کی ذمے داری قمول کر لی ہے۔

تحریک طالبان پاکستان کے ترجمان احسان اللہ احسان نے ڈیرہ اسماعیل خان میں ہونے والے دھماکے کے بعد نامعلوم مقام سے اے ایف پی سے گفتگو کرتے ہوئے کہا کہ "ہم نے حملے میں شیعہ برادری کو نشانہ بنایا"۔

انہوں نے کہا کہ طالبان نے ملک بھر میں شیعہ برادری کو نشانہ بنانے کیلیے 20 خود کش بمباروں کو روانہ کیا ہے۔

احسان نے کہا کہ "ہمارے پاس ملک بھر میں بم دھماکے اور خود کش حملے کرنے کیلیے بیس سے زائد خود کش بمبار موجود ہیں"۔

ان کا کہنا تھا کہ حکومت چاہے کتنے ہی سیکیورٹی انتظامات کیوں نہ کرلے لیکن وہ ہمارے حملوں کو نہیں روک سکتی۔

یاد رہے کہ پاکستانی طالبان نے اس سے قبل جمعرات کو راولپنڈی میں اہل تشیع کے جلوس پر ہونے والے حملے کی ذمے داری بھی قبول کی تھی جس میں 23 افراد ہلاک ہو گئے تھے۔

اس حصے سے مزید

پشاور: تیز بارش میں حادثات، 8 افراد ہلاک، 42زخمی

پشاور اور گرد ونواح میں تیزہواؤں کے ساتھ آندھی اورگردآلود طوفان شروع ہوا جس کے بعد گرج چمک کے ساتھ شدید بارش شروع ہوگئی۔

خیبرایجنسی: نیٹو ٹینکر پر فائرنگ، دو افراد ہلاک

فائرنگ کے بعد آئل ٹینکر میں آگ لگ گئی، جبکہ امدادی کارروائیاں شروع کردی گئیں ہیں۔

پشاور بڑی تباہی سے بچ گیا

دس کلو گرام وزنی بم کو چمکنی پولیس اسٹیشن کی حدود میں ایک پریشر ککر میں رکھا گیا تھا، جسے ناکارہ بنا دیا گیا۔


تبصرے بند ہیں.

تبصرے (1)

mohammad jehangir
24 نومبر, 2012 10:08
اس وقت دنیا کو سب سے بڑا درپیش چیلنج دہشت گردی ہے اس پر سب متفق ہیں۔ دہشت گردی کا اسلام سے کوئی تعلق نہ ہے اور یہ قابل مذمت ہے۔ اسلام میں دہشت گردی اور خودکش حملوں کی کوئی گنجائش نہیں اور طالبان،لشکر جھنگوی اور دوسری کالعدم جماعتیں اور القاعدہ دہشت گرد تنظیمیں ہولناک جرائم کے ذریعہ اسلام کے چہرے کو مسخ کررہی ہیں۔ برصغیرسمیت پُوری دنیا میں اسلام طاقت سے نہیں،بلکہ تبلیغ اور نیک سیرتی سے پھیلاجبکہ دہشت گرد طاقت کے ذریعے اسلام کا چہرہ مسخ کررہے ہیں۔ مذہب، عقیدے اور کسی نظریے کی بنیاد پر قتل وغارت گری اور دہشت گردی ناقابل برداشت ہے ۔ جسکی اسلام سمیت کسی مہذب معاشرے میں گنجائش نہیں۔ طالبان ایک رستا ہوا ناسور ہیں اور اس ناسور کا خاتمہ ہونا ضروری ہے۔ دہشت گرد گولی کے زور پر اپنا سیاسی ایجنڈا پاکستان پر مسلط کرنا چاہتے ہیں ۔ نیز دہشت گرد قومی وحدت کیلیے سب سے بڑاخطرہ ہیں۔ اسلام امن،سلامتی،احترام انسانیت کامذہب ہے لیکن چندانتہاپسندعناصرکی وجہ سے پوری دنیا میں اسلام کاامیج خراب ہورہا ہے۔ پاکستان میں ہونے والے ۸۰ فیصد دہشت گردی کے واقعات کے تانے بانے وزیرستان سے ملتے ہیں۔ طالبان کا یہ کیسا جہاد ہے کہ خون مسلم ارزان ہو گیا ہے اور طالبان دائین بائیں صرف مسلمانوں کو ہی مار رہے ہیں۔اسلام خود کشی کو حرام قرار دیتا ہے جو کہ دہشت گردی کی ایک شکل ہے۔ یہ گمراہ گروہ اسلام کے نام پر خود کش حملہ آور کی فوج تیار کر رہا ہے۔اسلام دوسروں کی جان و مال کی حفاظت کا حکم دیتا ہے یہ دوسروں کا مال لوٹنے اور بے گناہوں کی جان سے کھیلنے کو ثواب کا نام دیتے ہیں۔اسلام خواتین کا احترام سکھاتا ہے یہ دہشت گرد ،عورتوں کو بھیڑ بکریوں سے بھی برا سمجھتے ہیں۔ بچوں اور بچیوں کے اسکول جلاتے ہیں۔طالبان انسان کہلانے کے بھی مستحق نہ ہیں۔ انتہاء پسندي اور خود کش حملے پاکستان کو غير مستحکم کرنيکي گھناؤني سازشوں کا تسلسل ہيں اور جو عناصر دين اسلام کو بدنام کرنے اور پاکستان کو غير مستحکم کرنے کيلئے بے گناہ شہريوں کو خاک و خون ميں نہلا رہے ہيں وہ انسانيت کے دشمن ہيں۔ بڑھتی ہوئی عسکریت پسندی اور تشدد آمیز مذہبی انتہا پسندی نے اس ملک کے وجود کو ہی خطرے میں ڈال دیا ہے ۔ یہ وہی عسکریت پسند ہیں جنہوں نے ریاست اور اس کے عوام کے خلاف اعلان جنگ کر رکھاہے ۔اب ہمارے سامنے ایک ہی راستہ ہے کہ یا تو ہم ان مسلح حملہ آوروں کے خلاف لڑیں یا پھر ان کے آگے ہتھیار ڈال دیں جو پاکستان کو دوبارہ عہدِ تاریک میں لے جانا چاہتے ہیں۔طالبان پاکستان کی ریاست اور اس کے آئین کی بالادستی کو رد کرتے ہوتے اپنی مذہبی سوچ کو دوسروں پر زبردستی نافذ کرنا چاہتے ہیں. اگر ریاست مسلح عسکریت پسندوں کو اس بات کی اجازت دے دے کہ وہ درندگی کے ساتھ عوام پر اپنی خواہش مسلط کریں تو ایسی ریاست اپنی خودمختاری قائم نہیں رکھ سکتی .صلح جوئی کی پالیسی نے ملک کو پہلے ہی بھاری نقصان پہنچایا ہے جس کی قیمت ہم انسانی جانوں کی زیاں نیز معاشرے اور معیشت پر اس کے برےاثرات کی شکل میں ادا کر چکے ہیں . بم دھماکے کھلی بربریت ہیں اور دہشت گرد عناصر شہر میں غیر یقینی صورتحال پیدا کرکے ملک میں انتشار پیدا کررہے ہیں۔ دہشت گرد اسلام اور پاکستان کے دشمن ہیں اور ان کو مسلمان تو کجا انسان کہنا بھی درست نہ ہے اور یہ لوگ جماعت سے باہر ہیں۔ ہمیں ان سب کا مل کر مقابلہ کرنا ہو گا۔ یہ بزدل قاتل اور ٹھگ ہیں اور بزدلوں کی طرح نہتے معصوم لوگوں پر اور مسجدوں میں نمازیوں پر آ گ اور بارود برساتے ہیں اور مسجدوں کے تقدس کو پامال کرتے ہیں۔ اس طرح یہ پاکستان کے دشمنوں کی خدمت کر رہے ہیں۔ آج دہشت گردی، شدت پسندی اور فرقہ واریت نے قومی سلامتی کیلئے خطرہ پیدا کردیا ہے جس کا مقابلہ کرنے کیلئے قومی اتحاد کی ضرورت ہے۔ مذہبی انتہا پسندی، تشدد اور دہشت گردی پاکستانی ریاست اور معاشرہ کے لئے بڑے خطرے ہیں۔ اگر ان کی روک تھام کی طرف مکمل توجہ نہ دی گئی تو پاکستان ایک غیر موثر ریاست بن جائے گا اور معاشرہ ٹوٹ پھوٹ کا شکار ہو جائے گا ....................................................................... اقبال جہانگیر کا تازہ ترین بلاگ : محرم الحرام میں دہشت گردی http://www.awazepakistan.wordpress.com
سروے
مقبول ترین
قلم کار

مضبوط ادارے

ریاستی اداروں پر تمام جماعتوں کی جانب سے حملہ تب کیا گیا جب وہ ابتدائی طور پر ہی سہی پر قابلیت کا مظاہرہ کرنے لگے تھے۔

آئینی نظام کو لاحق خطرات

پی ٹی آئی کی سیاست کے ساتھ مسئلہ یہ ہے کہ یہ کسی طرح موجودہ آئینی صورت حال میں ممکن سیاسی حل کیلئے تیار نہیں ہے-

بلاگ

عمران خان کے نام کھلا خط

گزشتہ ایک ہفتے کے واقعات پی ٹی آئی ورکرز کی تمام امیدوں اور توقعات کو بچکانہ، سادہ لوح اور غلط ثابت کر رہے ہیں۔

جعلی انقلاب اور جعلی فوٹیجز

تحریک انصاف اور عوامی تحریک کی غیر آئینی حرکتوں کی وجہ سے اگر فوج آگئی تو چینلز ایسی نشریات کرنا بھول جائیں گے۔

!جس کی لاٹھی اُس کا گلّو

ہر دکاندار اور ریڑھی والے سے پِٹنا کوئی آسان عمل نہیں ہوگا شاید یہی وجہ ہے کہ سول نافرمانی کوئی آسان کام نہیں۔

ہمارے کپتانوں کے ساتھ مسئلہ کیا ہے؟

اس بات کا پتہ لگانا مشکل ہے کہ مصباح الحق اور عمران خان میں سے زیادہ کون بچوں کی طرح اپنی غلطی ماننے سے انکاری ہے۔