سپریم کورٹ آف پاکستان۔ —فائل تصویر

اسلام آباد: سپریم کورٹ نے جعلی انتخابی فہرستوں سے متعلق کیس کا مختصر فیصلہ سنادیا ہے۔

سپریم کورٹ نے حکم دیا ہے کہ کراچی میں فوج اور ایف سی کی نگرانی میں گھر گھر جاکر انتخابی فہرستیں درست کی جائیں۔

تحریک انصاف کے سربراہ عمران خان کی درخواست پر چیف جسٹس افتخار محمد چوہدری نے سنایا۔

عدالت نے حکم دیا ہے کہ کسی کی مرضی کے بغیر کسی شہری کا ووٹ دوسرے علاقے یا شہر منتقل نہ کیا جائے۔

فیصلے کے مطابق کسی بھی شہری کیا پتہ منتقل کرنے کیلئے اس کی مرضی حاصل کرنا ضروری ہے۔ یہ شہریوں کا صوابدیدی حق ہے کہ وہ جہاں چاہیں ووٹ دیں۔

عدالت نے حکم دیا کہ الیکشن کمیشن فوج، ایف سی اور رینجرز کے ذریعے انتخابی فہرستوں کی درستگی کرائے۔

عدالت نے مزید کہا ہے کہ انتخابی فہرستوں پر نظرثانی کی ضرورت ہے۔

واضع رہے کہ عمران خان کے علاوہ پیپلزپارٹی کی سابق چیئرپرسن بینظیربھٹو کی طرف سے انتخابی فہرستوں کی درستگی کیلئے درخواست دائر کی گئی تھی۔