۔ فائل تصویر

کراچی: کراچی میں فائرنگ کے تازہ واقعات میں مزید سات افراد ہلاک ہوگئے۔

 جمعے کو شہر قائد کے علاقے اورنگی ٹاؤن صابری چوک پر نامعلوم افراد کی فائرنگ سے ناصر جبکہ قائدآباد کے علاقے میں فائرنگ سے ایک شخص ہلاک ہوگیا۔

 گلشن معمار کے علاقے جنجھار گوٹھ میں جہانزیب نامی شخص کو گولیوں کا نشانہ بناکر ہلاک کردیا گیا۔

 اس سے قبل گارڈن کے علاقے میں رکشہ سے تین افراد کی لاشیں ملیں جنہیں اغوا کے بعد گولیاں ماری گئی تھیں۔

 پولیس کے مطابق یہ رکشہ ایک روز قبل نبی بخش کے علاقے سے چھینا گیاتھا تاہم تینوں مقتولین کی شناخت نہیں ہوسکی۔ منگھو پیر میں بھی فائرنگ سے ایک شخص ہلاک ہوا۔

 فائرنگ کے دیگر واقعات میں کلفٹن، کورنگی اور کٹی پہاڑی کے علاقوں میں چار افراد زخمی بھی ہوگئے۔