02 اگست, 2014 | 5 شوال, 1435
ڈان نیوز پیپر

پاکستان چیمپیئنز ٹرافی سے باہر

FHOCKEY-FIH-CHAMPIONS-AUS
ڈچ کھلاڑی جیرون ہیرٹز برگر گیند کو ہٹ لگا رہے ہیں جبکہ پاکستان کے وسیم احمد بچنے کی کوشش کر رہے ہیں۔—اے ایف پی

نیدر لینڈز کے ہاتھوں  سیمی فائنل میں پانچ  - دو کے بھاری مارجن سے شکست کھانے کے بعد پاکستان چیمپیئنز ٹرافی سے باہر ہو گیا ہے۔

ہفتہ کی صبح میلبورن میں کھیلے گئے میچ میں گرین شرٹس بے رنگ نظر آئے۔ کھیل شروع ہوئے دو منٹ ہی ہوئے تھے کہ بلی بیکر نے نیدر لینڈز کے لیے پہلا گول اسکور کر دیا۔

پاکستان نے دسویں منٹ میں ایک پلینٹی کارنر حاصل کیا لیکن وہ اسے گول میں تبدیل کرنے میں ناکام رہا۔

ڈچ ٹیم پاکستان پر مسلسل دباؤ بنائے رکھا اور بیسویں منٹ میں وان آس نے دوسرا گول کر کے ٹیم کی سبقت کو دگنا کر دیا۔

پاکستان کا پہلا گول کھیل کے تئیسویں منٹ میں اس وقت سامنے آیا جب گیند ڈچ کھلاڑی کی ہاکی اسٹک سے ٹکرا کر اپنے ہی گول پوسٹ میں چلی گئی۔

بیکر نے ہاف ٹیم سے قبل تینتیسویں منٹ میں ایک اور خوبصورت گول کر کے ٹیم کی سبقت کو پھر دگنا کر دیا۔

ہاف ٹائم پر پاکستان تین - ایک سے پیچھے تھا۔

دوسرے ہاف میں پاکستان نے ڈچ گول پوسٹ پر حملے بڑھائے تاہم وہ  ہر بار گیند کو گول پوسٹ میں نہ پہنچانے سے قاصر رہے۔

دوسری جانب، ڈچ کھلاڑیوں نے بھی پاکستان پر حملوں سے اپنا دباؤ قائم رکھا۔

گرین شرٹس کے میچ میں واپس آنے کے امکانات اس وقت ختم ہو گئے جب ویلیٹنن ورج کے گول نے اسکور چار - ایک کر دیا۔

کھیل ختم ہونے سے آٹھ منٹ قبل نیدر لینڈز نے پاکستانی دفاع میں ایک مرتبہ پھر شگاف ڈالتے ہوئے پانچواں گول کر ڈالا۔

پاکستان کی جانب سے اس ایونٹ میں سب سے زیادہ گول کرنے والے شکیل عباسی نے کھیل کے اختتامی لمحات میں گول اسکور کر کے شکست کے مارجن میں کمی کی۔

اس حصے سے مزید

سیٹھی عارف عباسی کو پی سی بی سربراہ بنوانے کیلئے سرگرم

سیٹھی کسی ایسی شخصیت کو پی سی بی سربراہ کے طور پر دیکھنا چاہتے ہیں جو ان کی پالیسیوں کی تائید کر سکے، ذرائع۔

کامن ویلتھ گیمز:پاکستان کیلئے ایک اور تمغہ یقینی

باکسنگ کے 52کلوگرام کے مقابلوں کے سیمی فائنل میں محمدوسیم نے گھانا کے عبدالعمر کو شکست دےکر فائنل تک رسائی حاصل کرلی ہے۔

انگلینڈ سے شکست پر دھونی تنقید کی زد میں

سنیل گواسکرکاکہنا ہےکہ ہندوستانی کھلاڑیوں کےغیرسنجیدہ اورلاپرواہ کھیل نےانگلینڈکےمورال کو بڑھانےمیں اہم کرداراداکیا۔


تبصرے بند ہیں.
سروے
مقبول ترین
قلم کار

ہمارا پارٹ ٹائم لیڈر

اتنی ناکارہ لیڈرشپ کی مثال مشکل سے ملیگی جس میں کسی دوراندیشی کی کوئی جھلک نہ ہو-

بجٹ اور صحت کا شعبہ

ایسا لگتا ہے کہ صحت کے بجٹ کی بڑھتی ہوئی ضروریات کیلئے عطیات دینے والے ملکوں کے پیسے پر زیادہ انحصار کیا جاتا ہے

بلاگ

پکوان کہانی: موسم گرما کی سوغات 'آم

پرانے وقتوں کے لوگوں کی دلچسپ تصور اور حکمت کی بدولت، پھلوں کا بادشاہ عام انسان کی غذا بن گیا۔

پاکستان میں اسٹارٹ اپس اب تک ناکام کیوں؟

آجکل یہ فیشن سا بن گیا ہے کہ ہر کوئی یہی کہتا نظر آ رہا ہے کہ اس کے پاس 'اسٹارٹ اپ' ہے-

ساغر صدیقی : ایک دل شکستہ شاعر

وہ خوبصورت نظمیں لکھتے، پھر بلند آواز میں خالی نگاہوں سے پڑھتے، پھر ان کاغذات کو پھاڑ دیتے جن پر وہ نظمیں لکھی ہوتیں

پکوان کہانی: کابلی پلاؤ - شمال کی شان

گوشت میں پکے چاول اس خطے کے جنگجوؤں کی ذہنی مطابقت اور جسمانی ساخت کے لیے موزوں تھے۔