29 جولائ, 2014 | 30 رمضان, 1435
ڈان نیوز پیپر

پاکستان ہاکی ٹیم کا ایف آئی ایچ رینکنگز میں پانچواں نمبر

پاکستان ٹیم اپنے تمغوں کیساتھ۔ – اے ایف پی فوٹو

کراچی: انٹرنیشن ہاکی فیڈریشن کی جاری کردہ نئی رینکنگز کیمطابق پاکستان ہاکی ٹیم اپنی پچھلی نویں پوزیشن سے چار درجہ ترقی کے بعد پانچویں نمبر پر پہنچ گئی ہے۔

گرین شرٹس کو یہ ترقی آسٹریلیا کے شہر میلبورن میں حال ہی میں ہونے والے چیمپیئنز ٹرافی مقابلوں میں کانسی کا تمغہ حاصل کرنے کے بعد نصیب ہوئی ہے۔ ان مقابلوں میں پاکستان کے شکیل عباسی کو بہترین کھلاڑی کے اعزاز سے بھی نوازا گیا تھا۔

پاکستانی ٹیم نے بہترین کھیل کا مظاہرہ کرتے ہوئے کوارٹر فائنل میں جرمنی کیخلاف اپ سیٹ فتح حاصل کی تھی مگر سیمی فائنل میں اسے نیدرلینڈ کے ہاتھوں شکست کا سامنا کرنا پڑا تھا۔

تاہم اس شکست کے بعد تیسری پوزیشن کیلئے کھیلے گئے میچ میں پاکستان نے بھرپور واپسی کی اور اپنے روایتی حریف ہندوستان کو تین دو کے مارجن سے شکست دیکر کانسی کا تمغہ اپنے نام کیا تھا۔

رینکنگز کیمطابق پہلی چار پوزیشنز میں کوئی تبدیلی واقع نہیں ہوئی ہے اور لندن اولمپکس چیمپیئن جرمنی بدستور پہلے، آسٹریلیا دوسرے، نیدرلینڈ تیسرے اور برطانیہ چوتھے نمبر پر قائم ہیں۔

پاکستان سے ایک پوزیشن پیچھے چھٹے نمبر پہ نیوزی لینڈ جبکہ اسپین، کوریا، بیلجیئم، ارجنٹینا اور ہندوستان بالترتیب ساتویں، آٹھویں، نویں، دسویں اور گیارھویں نمبر پر فائز ہیں۔

اس حصے سے مزید

اسٹریٹ چلڈرن کی شاندار کارکردگی جاری، مسلسل دوسری کامیابی

پاکستان اسٹریٹ چائلڈ ٹیم نے ناروے کپ میں شاندار کارکردگی کا سلسلپ برقرار رکھتے ہوئے دوسرے میچ میں 6-0 سے میدان مار لیا

ہیراتھ کی محنت رائیگاں، سیریز جنوبی افریقہ کے نام

جنوبی افریقہ کی کولمبو ٹیسٹ میں سست رفتار بلے بازی، کولمبو ٹیسٹ ڈرا، جنوبی افریقہ نے سیریز 1-0 سے اپنے نام کر لی۔

پاکستان اسٹریٹ چائلڈ فٹبال ٹیم کا ناروے میں فاتحانہ آغاز

پاکستانی ٹیم نے اوسلوکےمعروف لیمبرسٹرکلب کوایک صفرسےشکست دیکر ایونٹ میں فاتحانہ آغاز کیا۔


تبصرے بند ہیں.
سروے
مقبول ترین
قلم کار

جنگ اور ہوائی سفر

پرواز کرنے کا معجزہ، جو انسانی ذہانت کا خوشگوار مظہر ہے، انسان کے انتقامی جذبات اور خون کی پیاس کی نذر ہوگیا ہے

تھوڑا سا احترام

آپ ایک مایوس، خوفزدہ بیوروکریسی سے کیا توقع کرسکتے ہیں جنہیں اپنی سمت کا علم نہ ہو؟

بلاگ

ترغیب و خواہشات: رمضان کا نیا چہرہ؟

کسی مقامی رمضان ٹرانسمیشن کو لگائیں اور وہ سب کچھ جان لیں جو اب اس مقدس مہینے کے نئے چہرے کو جاننے کے لیے ضروری ہے

نائنٹیز کا پاکستان -- 1

ضیا سے مشرف کے بیچ گیارہ سال میں کبھی کرپشن کے بہانے تو کبھی وسیع تر قومی مفاد کے نام پر پانچ جمہوری حکومتیں تبدیل ہوئیں

ٹوٹے برتن

امّی کا خیال ہے کہ ایسے برتن پورے گاؤں میں کسی کے پاس نہیں۔ وہ تو ان برتنوں کو استعمال کرنے ہی نہیں دیتی

مجرم کون؟

کچھ چیزیں ڈنڈے کے زور پہ ہی چلتی ہیں، پھر آہستہ آہستہ عادت اور عادت سے فطرت بن جاتی ہیں۔