02 اکتوبر, 2014 | 6 ذوالحجہ, 1435
ڈان نیوز پیپر

الطاف حسین کو توہین عدالت کا نوٹس جاری

قائد متحدہ قومی موومنٹ الطاف حسین۔ فائل فوٹو۔۔۔
قائد متحدہ قومی موومنٹ الطاف حسین۔ فائل فوٹو۔۔۔

اسلام آباد: سپریم کورٹ نے متحدہ قومی موومنٹ (ایم کیو ایم) کے قائد الطاف حسین کو توہین عدالت کا نوٹس جاری کردیا ہے۔

عدالت کا کہنا ہے کہ الطاف حسین کا کراچی بدامنی کیس کی سماعت کرنے والے ججوں سے متعلق خطاب توہین اور دھمکی آمیز تھا۔

چیف جسٹس افتخار محمد چوہدری کی سربراہی میں عدالت عظمٰی کے تین رکنی بینچ نے کراچی بدامنی کیس کی سماعت کی۔

سماعت کے آغاز پر عوامی نیشنل پارٹی (اے این پی) کے سینیٹر حاجی عدیل کے وکیل نے کہا کہ انہوں نے اس مقدمے میں ایک آئینی درخواست دائر کی ہے۔

اس پر چیف جسٹس نے کہا کہ انہیں رجسٹرار آفس سے ایک نوٹ بھجوایا گیا ہے جس میں الطاف حسین کی تقریر کے اقتباسات دیے گئے ہیں کہ جج صاحبان معافی مانگیں جس کا انہیں نوٹس لینا ہے۔

جسٹس افتخار نے کہا کہ رجسٹرار آفس نے بتایا ہے کہ ایم کیو ایم کے سربراہ، جو ایک سیاسی لیڈر ہیں، نے ایک مجمعے سے خطاب کرتے ہوئے ججوں کو تنقید کا نشانہ بنایا اور الزامات لگائے اسلیے پیمرا کواحکامات دیے گئے ہیں کہ وہ ان کی تقریر کا متن پیش کرے۔

ان کا کہنا تھا کہ کراچی میں بدامنی کیس کی سماعت کرنے والا بینچ اس فیصلے کے عملدرآمد کی سماعت کر رہا تھا جسے کبھی چیلنج نہیں کیا گیا۔

انہوں نے کہا کہ آخری تاریخ سماعت پر ایک عبوری حکم دیا گیا تھا جس میں کراچی میں نئی حلقہ بندیوں کے حوالے سے بات کی گئی تھی۔

چیف جسٹس کا کہنا تھا کہ احکامات کا پس منظر سوائے عدالت کے احکمات پر عملدرآمد کے اور کچھ نہیں تھا تاہم ایم کیو ایم کے رہنما نے جلسے سے خطاب کرتے ہوئے توہین آمیز کلمات ادا کیے۔

جسٹس افتخار نے کہا انہوں نے تقریر کا متن دیکھا ہے اور انکی رائے ہے کہ جو زبان استعمال کی گئی وہ توہین آمیز اور دھمکانے والی تھی اور عدالت کی راہ میں رکاوٹ ڈالنے کے مترادف تھی۔

اس پر عدالت نے ایم کیو ایم کے قائد کو آئین کے آرٹیکل دو سو چار اور توہین عدالت کے آڑڈیننس دو سو تین کی دفعہ تین کے تحت توہین عدالت کا نوٹس جاری کردیا ہے۔

  سپریم کورٹ نے ایم کیو ایم کے پارلیمانی لیڈر فاروق ستار کو بھی وضاحت کے لیے نوٹس جاری کیا ہے۔

ساتھ ہی عدالت نے چیف سیکرٹری، آئی جی، ہوم سیکرٹری سندھ سے بھی رپورٹ طلب کرلی ہے۔

اس کے علاوہ وزارت خارجہ کو نوٹس کی تعمیل یقینی بنانے کا حکم بھی دیا گیا ہے۔

اس حصے سے مزید

کراچی: رینجرز کی کارروائی، گینگ وار کے چار ملزمان ہلاک

رینجرز حکام کا کہنا ہے کہ اس کارروائی کے دوران مشتبہ افراد نے سیکورٹی اہلکاروں پر فائرنگ شروع کردی تھی۔

کراچی: ایک گھنٹے میں پولیس پر دو حملے، دو اہلکار زخمی

پہلا واقعہ حسن اسکوائر کے قریب پیش آیا جہاں ایک پولیس موبائل کو موٹر سائیکل سوار حملہ آوروں نے دستی بم سے نشانہ بنایا۔

ممتاز بھٹو بیٹے سمیت مسلم لیگ ن سے بے دخل

سندھ نیشنل فرنٹ کے چیئرمین ممتاز بھٹو نے دعویٰ کیا ہے کہ مسلم لیگ ن نے اُنہیں بیٹے سمیت پارٹی سے نکال دیا ہے


تبصرے بند ہیں.

تبصرے (1)

ehtesham
15 دسمبر, 2012 18:43
Why new constituencies only in Karachi.It is against MQM.
سروے
مقبول ترین
قلم کار

جنوبی پنجاب کا کیس

پنجاب اس وقت دنیا کی سب سے بڑی وفاقی اکائیوں میں سے ہے۔ آبادی اور رقبے کے لحاظ سے یہ دنیا کے کئی ممالک سے بھی بڑا ہے۔

ماؤں اور بچوں کے قاتل ہم

پاکستان سے کم فی کس آمدنی رکھنے والے ممالک پیدائش کے دوران ماؤں اور بچوں کی اموات پر قابو پا چکے ہیں۔

بلاگ

کیا آپ کی گائے برانڈڈ ہے؟

ہرعید الاضحیٰ کے ساتھ جانوروں پر شوبازی بڑھتی ہی جارہی ہے، جس سے اس مذہبی تہوار کی روحانیت خطرے میں پڑ گئی ہے۔

غیر ملکی سرمایہ کاری: حقیقت یا سراب؟

حکومت نے کئی ارب روپے سے میٹرو بس منصوبہ شروع کر رکھا ہے مگر عوام کو سیلاب سے بچانے کے لیے کوئی منصوبہ نہیں ہے۔

گو نواز گو!

اس ملک میں پڑھے لکھے لوگوں کی قدر ہی نہیں۔ جب تک پڑھے لکھوں کو وی آئی پی پروٹوکول نہیں دیا جاتا یہ ملک ترقی نہیں کرسکتا

قدرتی آفات اور پاکستان

قدرتی آفات سے پہلے انتظامات پر ایک ڈالر جبکہ بعد میں سات ڈالر خرچ ہوتے ہیں، اس کے باوجود ہم پہلے سے انتظامات نہیں کرتے۔