فائل فوٹو

پشاور: شدت پسندوں کی جانب سے ایف آر پشاور سے اغواء کئے گئے تئیس میں سے اکیس لیویز اہلکاروں کو قتل کردیا گیا ہے۔ ایک اہلکار معجزانہ طور پر بچ کر گھر پہنچ گیا جبکہ ایک زخمی اہلکار کو لیڈی ریڈنگ اسپتال منتقل کردیا گیا ہے۔

شدت پسندوں کی جانب سے جمعرات ستائیس دسمبر کو ایف آر پشاور میں تین سیکیوٹی چیک پوسٹوں پر حملہ کیا گیا تھا جس میں دو سیکیورٹی اہلکارہلاک اور ایک زخمی ہوگیا تھا جبکہ تئیس اہلکار اغواء کرلیے گئے تھے۔

اغواء کیے گئے تئیس میں سے اکیس لیویز اہلکاروں کو ہفتہ اور اتوار کی درمیانی شب فائرنگ کرکے قتل کردیا گیا۔ ایک اہلکار معجزانہ طور پر بچ گیا اور فرار ہوکر گھر پہنچ گیا جبکہ ایک زخمی اہلکار کو لیڈی ریڈنگ اسپتال منتقل کردیا گیا ہے۔

لیویزاہلکاروں کوجانے خواڑکرکٹ گراؤنڈ کےقریب قتل کیا گیا اور شدت پسند سیکیورٹی اہلکاروں کی وردی میں ملبوس تھے۔