21 اپريل, 2014 | 20 جمادی الثانی, 1435
ڈان نیوز پیپر

توہین عدالت: الطاف حسین کی غیر مشروط معافی قبول

سپریم کورٹ آف پاکستان۔ فوٹو اے ایف پی۔۔۔
سپریم کورٹ آف پاکستان۔ فوٹو اے ایف پی۔۔۔

اسلام آباد: متحدہ قومی موومنٹ (ایم کیو ایم) کے قائد الطاف حسین نے سپریم کورٹ میں توہین عدالت کیس کی سماعت کے دوران غیر مشروط معافی مانگ لی ہے جسے سپریم کورٹ نے قبول کرتے ہوئے توہین عدالت کا نوٹس خارج کردیا۔

پیر کو چیف جسٹس افتخار محمد چوہدری کی سربراہی میں تین رکنی بنچ نے کیس کی سماعت کی۔

الطاف حسین کی طرف سے لندن سے بھیجا گیا تحریری معافی نامہ ان کے وکیل سینیٹر فروغ نسیم نے عدالت میں جمع کروایا.

معافی نامے کے مطابق، متحدہ کے قائد کا کہنا تھا کہ وہ خود کو عدالت کے رحم و کرم پر چھوڑتے ہیں۔

انہوں نے کہا کہ وہ عدالت کے خلاف استعمال کئے گئے تمام الفاظ واپس لیتے ہیں۔

الطاف حسین کا کہنا تھا کہ انہوں نے پوری زندگی عدالتوں کے احترام میں گزاری ہے۔

عدالت نے الطاف حسین کی معافی کو قابل ستائش قرار دیا.

اس موقع پر ایم کیو ایم کے ڈپٹی کنوینر ڈاکٹر فاروق ستار اور ایم کیو ایم کے رہنما رؤف صدیقی نے بھی عدالت سے غیرمشروط معافی مانگ لی۔

دوسری جانب سماعت کے بعد فاروق ستار نے صحافیوں سے گفتگو میں کہا کہ ایم کیو ایم کے قائد نےغیرمشروط معافی کی درخواست کی جو عدالت نے قبول کرتے ہوئے توہین عدالت کا نوٹس خارج کردیا ہے جس پر وہ عدالت کے شکرگزار ہیں۔

فروغ نسیم نے اس موقع پر بات چیت میں کہا کہ ایم کیو ایم نے کراچی میں نئی حلقہ بندیوں کے حکم کے حوالے سے بھی نظرثانی کی دو اپیلیں دائر کر رکھی ہیں، عدالت جو بھی فیصلہ کرے گی وہ قبول کریں گے۔

یاد رہے کہ عدالت نے 14 دسمبر کو ایم کیو ایم کے قائد کو توہین عدالت کا نوٹس جاری کرتے ہوئے آج طلب کیا تھا۔

عدالت کا کہنا تھا کہ الطاف حسین کا کراچی بدامنی کیس کی سماعت کرنے والے ججوں سے متعلق خطاب توہین اور دھمکی آمیز تھا۔

اس حصے سے مزید

سابق چیئرمین پیمرا کا برطرفی کو عدالت میں چیلنج کرنے کا فیصلہ

چوہدری رشید کے وکیل کا کہنا ہے کہ وہ اپنے مؤکل کی برطرفی کے خلاف آج پیر کو اسلام آباد ہائی کورٹ میں اپیل دائر کریں گے۔

وزیرِ اعظم نے حامد میر حملے کی جوڈیشل تحقیقات کا حکم دیدیا

کمیشن کیلئے سپریم کورٹ سے درخواست کی جائے گی، قاتلوں کی اطلاع پر ایک کروڑ روپے انعام کا اعلان۔

آئی ایم ایف اسٹیٹ بینک کی خودمختاری کے بل سے غیرمطمئن

آئی ایم ایف مشن کے سربراہ نے ڈان کوبتایا کہ آئی ایم ایف کو اسٹیٹ بینک آف پاکستان کے ترمیمی ایکٹ میں کچھ تحفظات ہیں۔


تبصرے بند ہیں.

تبصرے (1)

وشال نین
07 جنوری, 2013 11:20
الطاف حسین نے اپنے ظرف کے مطابق عمل کیا ہے اور عدالت سے غیر مشروط معافی مانگی ہے ۔ چیف جسٹس صاحب نے بھی اپنی بڑائی کا اظھار کرتے ہوئے اس معاملے کو ختم کیا ۔ لیکن سوال یہ پیدا ہوتا ہے کہ کچھہ ججوں کے یہ ریمارکس کتنے مناسب تھے؟ کیا الطاف حسین کی کہی ہوئی باتیں غلط تھیں؟ کیا یہ ریمارکس متعصبانہ نہیں تھے ؟ سپریم کورٹ کو اس کا جائزہ بھی لینا چاھئے تاکہ سپریم کورٹ پر کوئی انگلی نہ اٹھہ سکے
مقبول ترین
بلاگ

نریندر مودی اور نواز شریف ساتھ ساتھ

اگر بی جے پی حکومت بنانے میں کامیاب ہوتی ہے تو 1998 کی طرح آج بھی پاکستان میں نواز شریف کی ہی حکومت ہوگی۔

دنیاۓ صحافت: داستاں تک بھی نہ ہوگی داستانوں میں

ایک فوجی کی طرح صحافی کو بھی ہرگز اکیلا نہیں چھوڑا جاسکتا، یہ سوچنا کہ یہ ہماری جنگ نہیں، سراسر حماقت ہے-

2 - پاکستان کی شہری تاریخ ... ہمیں سب ہے یاد ذرا ذرا

بھٹو حکومت کے ابتدائی سالوں میں قوم کا مزاج یکسر تبدیل ہو گیا تھا، کیونکہ ملک ایک نئے پاکستان کی طرف بڑھ رہا تھا-

سچ، گولی اور بے بس جرنلسٹ

حامد میر پر حملہ ایک بار پھر صحافی برادری کی بے بسی کی طرف اشارہ کرتا ہے