البو سیکیورٹی چیک پوسٹ کے قریب سڑکے کنارے نصب بم دھماکے کے نتیجے میں ایک اہلکار زخمی بھی ہوا۔ فائل فوٹو۔

پشاور: پاک افغان سرحد کے قریب مہمند ایجنسی میں پیر کو دھماکے کے نتیجے میں کم از کم دو سیکیورٹی اہلکار ہلاک ہوگئے۔

 حکام کے مطابق، البو سیکیورٹی چیک پوسٹ کے قریب سڑکے کنارے نصب بم دھماکے کے نتیجے میں ایک اہلکار زخمی بھی ہوا۔

 اسسٹنٹ پولیٹیکل ایجنٹ غازی نواز نے دو اہلکاروں کی ہلاکت اور ایک کے زخمی ہونے کی تصدیق کی۔

 انکے مطابق، بم کو تحصیل خواہ زئی کے علاقے مرگانو جلہ کے قریب نصب کیا گیا تھا۔

 مہمند ایجنسی پاک افغان سرحد کے قریب پاکستان کی سات قبائیلی ایجنسیوں میں سے ایک ہے جسے طالبان اور دیگر عسکریت پسندوں کا گڑھ تصور کیا جاتا ہے۔