ایم کیو ایم کے ڈپٹی کنوینز ڈاکٹر فاروق ستار۔ فائل فوٹو۔۔

کراچی: متحدہ قومی موومنٹ نے طاہرالقادری کے لانگ مارچ سے علیحدگی کا اعلان کردیا ہے۔

اس حوالے سے بات کرتے ہوئے ایم کیو ایم رابطہ کمیٹی کے ڈپٹی کنوینر ڈاکٹر فاروق ستار نے کراچی میں پریس کانفرنس کے دوران کہا کہ طاہرالقادری کی اخلاقی حمایت جاری رکھیں گے اور منہاج القرآن کے ساتھ رابطے میں رہیں گے۔

ان کا کہنا تھا کہ طاہر القادری کو فیصلے سے آگاہ کردیا ہے۔

انہوں نے مزید کہا کہ طاہر القادری اور الطاف حسین کا وژن ایک ہی ہے۔

فاروق ستار کا کہنا تھا کہ اطلاعات ہیں کہ لانگ مارچ سبوتاژ کرنے کیلیے دہشت گرد سرگرم ہیں۔

رہنما ایم کیو ایم فاروق ستار کا کہنا تھا کہ جمہوریت کے تسلسل کی حمایت کرتے رہیں گے۔

ان کا کہنا تھا کہ الطاف حسین کی جدوجہد اقتدار نہیں انقلاب کے لیے ہے۔