شمالی وزیرستان میں سیکیورٹی فورسز کا حملہ ۔ فائل تصویر

لنڈی کوتل: شمالی وزیرستان کے رزمک علاقے میں میرانشاہ روڈ پر بم دھماکے میں 14 سیکیورٹی اہلکار ہلاک اور 25 زخمی ہوگئے ہیں۔

سیکیورٹی فورسز کے ذرائع نے ان اعدادوشمار کی تصدیق کردی ہے۔

اس کے علاوہ اتوار کے روز ہی لنڈی کوتل کے علاقے میں زکاخیل مارکیٹ میں ایک دھماکہ ہوا جس میں ایک شخص ہلاک ہوگیا۔

اس رپورٹ کے شایع ہونے تک اس سانحے کی مزید تفصیلات موصول نہیں ہوئی۔

ایک اور واقعے میں شرپسندوں نے خیبرقبائل میں واقع سپاہ کے جھانسی علاقے میں ایک اسکول میں داخل ہوکر وہاں سے اسکول کا فرنیچر لے کر فرار ہوگئے ہیں۔

تازہ ترین اطلاعات کے مطابق ، خیبر ایجنسی کی تحصیل باڑہ میں اکاخیل علاقے کے باڑو اڈا میں امن لشکر اور شدت پسندوں کے درمیان چھڑپ میں دہ عسکریت پسند اور ایک امن لشکر کا اہلکار زخمی ہوگیا ہے۔