ہندوستانی وزیر اعظم منموہن سنگھ۔ فائل فوٹو۔۔۔

نئی دہلی: ہندوستانی وزیر اعظم نے متنبہ کیا ہے کہ گزشتہ ہفتے پاکستان کی جانب سے کشمیر کی متنازع سرحد پر دو ہندوستانی فوجیوں کی ہلاکت کے بعد پڑوسی ملک پاکستان کے ساتھ تعلقات اب پہلے جیسے نہیں رہے۔

آرمی فنکشن کے موقع پر صحافیوں سے  گفتگو کرتے ہوئے ہندوستانی وزیر اعظم نے کہا کہ پاکستان سے تعلقات اب پہلے جیسے نہیں رہے۔

انہوں نے دو ہندوستانی فوجیوں کی ہلاکت اور ان میں سے ایک کی سربریدہ لاش ملنے کا ذکر کرتے ہوئے کہا کہ جو کچھ ہوا وہ ناقابل قبول ہے۔

منموہن نے کہا کہ ذمے داروں کو قرار واقعی سزا دی جائے۔

دونوں ملکوں کی افواج کی جانب سے فائرنگ کے تبادلے کے بعد فلیگ میٹنگ میں احتجاج درج کرایا گیا تھا اور اسی روز میٹنگ سے تقریباً ایک گھنٹے قبل ہندوستانی آرمی چیف نے پریس کانفرنس سے خطاب کرتے ہوئے انڈین آرمی کو سرحد پر کسی بھی قسم کے فائرنگ کے تبادلے کے نتیجے میں جارحانہ اقدام اٹھانے کی ہدایت کی تھی۔

ہندوستانی حکومت نے آٹھ جنوری کو پاکستان پر اس کی حدود میں فائرنگ کرنے اور دو فوجی ہلاک کرنے کا الزام عائد کیا تھا۔

پاکستان کی جانب سے ہندوستانی الزامات کی تردید کرتے ہوئے کہا گیا تھا کہ اس کی فوجی ایسے کسی واقعے میں ملوث نہیں اور اس کےساتھ ساتھ پڑوسی ملک پر پاک فوج کے دو جوانوں کی ہلاکت کا الزام عائد کیا تھا۔

ضرور پڑھیں

تبصرے (1) بند ہیں

Sardar KHAN Jan 15, 2013 06:11pm
As usual,the Indian PM has scumed to the demands of Shive Sinna.They always make a U-Turn when they pressed.We do not need any trade with them.Our soldiers value for us is 100 times more than any of their's.It is a blessing and we should stop talking to them until they mend their ways.