26 جولائ, 2014 | 27 رمضان, 1435
ڈان نیوز پیپر

'رحمان ملک، جہانگیر بدر نے توقیر صادق کو فرار کروایا'

سپریم کورٹ آف پاکستان۔ فائل فوٹو۔۔۔
سپریم کورٹ آف پاکستان۔ فائل فوٹو۔۔۔

اسلام آباد: سپریم کورٹ نے اوگرا کے سابق چیرمین توقیر صادق کے فرار ہونے میں ملوث افراد کیخلاف ایک ہفتے میں ریفرنس دائر کرنے کا حکم دے دیا ہے جبکہ نیب حکام کا کہنا ہے کہ توقیر صادق کو فرار کروانے والوں میں رحمان ملک اور جہانگیر بدر بھی شامل ہیں۔

جمعرات کو سپریم کورٹ کے جسٹس عظمت سعید اورجسٹس جواد ایس خواجہ پرمشتمل بینچ نے کیس کی سماعت کی۔

سماعت کے دوران عدالت نے اوگرا کے سابق چیرمین توقیر صادق کی عدم گرفتاری پربرہمی کااظہارکیا۔

عدالت نے نیب حکام سے دریافت کیا کہ توقیر صادق کس طرح فرارہوئے جس پرنیب حکام نے انکشاف کیا کہ ان کو فرار کرانے والوں میں رحمان ملک اور جہانگیر بدر کے نام بھی شامل ہیں۔

نیب حکام کا یہ بھی کہنا تھا کہ توقیر صادق کی تقرری کرنے والی کمیٹی کی سربراہی راجہ پرویز اشرف کررہے تھے جن کے خلاف تحقیقات کی جارہی ہیں۔

اس پرعدالت نے ریمارکس دیے کہ جب دستاویزات موجود ہیں تو پھرتفتیش کس بات کی ہورہی ہے۔

نیب کے پراسیکوٹر نے عدالت کو آگاہ کیا کہ پولیس نے توقیر صادق کو متحدہ عرب امارات میں پکڑا اور پھرچھوڑ دیا۔

اس پرجسٹس جواد ایس خواجہ نے ریمارکس دیے نیب اتنا معصوم نہیں جتنا بتایا جارہا ہے، پولیس کی ٹیم بغیروارنٹ لیے متحدہ عرب امارات پہنچی تھی۔

جسٹس خلجی عارف نے ریمارکس دیے کہ آپ یہ بیان دے دیں کہ نیب کا موٹو ہی بڑے کرپٹ لوگوں کو نہ پکڑنا ہے۔

ڈائریکٹر نیب کا کہنا تھا کہ توقیر صادق کا تقرر کرنے پر راجا پرویز اشرف کیخلاف تحقیقات جاری ہیں۔

عدالت کا کہنا تھا کہ جب دستاویزات موجود ہیں تو مزید کس چیز کی تفتیش ہورہی ہے۔

اس حصے سے مزید

عمران خان بھی فلسطینیوں کے حق میں بول پڑے

اقوامِ متحدہ کے سیکریٹری جنرل کو خط میں انہوں نے کہا کہ عالمی ادارہ فلسطینیوں کی ہلاکت پر خاموش تماشائی بنا ہوا ہے۔

پیپلز پارٹی کی اسلام آباد فوج کے حوالے کرنے کی مخالفت

فرحت اللہ بابر نے کہا ہےکہ حکومتی فیصلے سے سنگین نتائج آسکتے ہیں،اس سے اخذ کیا جائے گا کہ سول انتظامیہ ناکام ہو گئی

انتخابی اصلاحات کے حوالے سے 33رکنی کمیٹی تشکیل

پاکستان تحریک انصاف سمیت تمام جماعتوں کے ارکان شامل ہیں، سینیٹ سے11 اور قومی اسمبلی سے 22 ارکان کمیٹی کے ارکان ہوں گے۔


تبصرے بند ہیں.

تبصرے (1)

Israr Muhammad
24 جنوری, 2013 18:46
اب مجھے یقین هوگیا هے کۂ واقعی اس کیس میں اندازے سے زیادہ ڈاکها ڈالا گیا هے اور ملک کو زبردست ٹیکہ لگایا گیا اور یۂخبر بھی اب خبر نہیں رہی کۂ خواجہ آصف کو 25کروڑ کی پیشکش هویی هے کیس سے پیچھے هٹنے کیلئے کمال هے اور کمال کے لوگ کمال کے ملک میں
سروے
مقبول ترین
قلم کار

تھوڑا سا احترام

آپ ایک مایوس، خوفزدہ بیوروکریسی سے کیا توقع کرسکتے ہیں جنہیں اپنی سمت کا علم نہ ہو؟

ایک عہد ساز فیصلہ

مذہب کا مطلب صرف بے لچک پن اور سخت گیری نہیں ہوتا، مذہبی آزادی میں ضمیر، خیالات، احساسات، عقیدہ سب شامل ہونا چاہئے-

بلاگ

گھریلو تشدد: پاکستانی 'کلچر' - حقیقت کیا ہے؟

پاکستانی سماج میں عورت مرد کی جائداد اور اس سے کمتر ہے چناچہ اس کے ساتھ کسی قسم کا سلوک روا رکھنا مرد کا پیدائشی حق ہے-

ریاستی تنہائی اور اجتماعی مہاجرت

جب تک سوچنے اور سوچ کے اظہار کے لیے ممکنہ حد تک ازادی موجود نہ ہو تب تک سماج میں تکثیریت پروان نہیں چڑھ سکتی

صحت عامہ کا بنیادی مسئلہ

سیاسی جماعتیں اپنے حامیوں کو محض نعرے لگوانے کے بجاۓ تعمیری سرگرمیوں کے لئے کیوں متحرک نہیں کرتیں؟

وزیرستان کے اکھاڑے سے

کشتی کا تو پتا نہیں اصلی ہے یا نہیں لیکن ہم نے ان پہلوانوں کو کسرت اکٹھے ہی کرتے دیکھا ہے۔