28 اگست, 2014 | 1 ذوالقعد, 1435
ڈان نیوز پیپر

نئے صوبے کا نام بہاولپور جنوبی پنجاب تجویز

صدارتی ترجمان اور سینیٹر فرحت اللہ بابر۔ فائل فوٹو۔

اسلام آباد: ملک میں نئے صوبے کے حوالے سے اہم پیشرفت ہوئی ہے اور پارلیمانی کمیشن نے نئےصوبے کا نام بہاولپور جنوبی پنجاب تجویز کر دیا ہے جبکہ ایم کیو ایم کے قائد الطاف حسین نے انتخابات سے پہلے جنوبی پنجاب و بہاولپور صوبے کا اعلان کرنے کا مطالبہ کیا ہے۔

صدارتی ترجمان اور سینیٹر فرحت اللہ بابر کی زیر صدارت پنجاب میں نئے صوبے سے متعلق پارلیمانی کمیشن کا اجلاس اسلام آباد میں ہوا جس میں ارکان نے آئینی ترمیم کی سفارشات پردستخط کیے۔

ترمیم میں نئے صوبے کا نام بہاولپور جنوبی پنجاب تجویز کیا گیا ہے، نئے صوبے کی سینیٹ میں 23، قومی اسمبلی کی 47  عام نشستیں اور خواتین کی  بارہ  نشستیں ہوں گی۔

دوسری جانب صوبائی اسمبلی کی 101 عام نشستیں جبکہ خواتین کی 23 مخصوص نشستیں رکھنے کی سفارش کی گئی ہے۔

سفارشات کے مطابق نئے صوبے کا دارالحکومت بہاولپور جبکہ اسمبلی ملتان میں رکھنے پر اتفاق کیا گیا ہے۔

نئے صوبے کے قیام کی رپورٹ منگل کو قومی اسمبلی کے اجلاس میں پیش کیے جانے کا امکان ہے۔

سینیٹر رضا ربانی کا کہنا تھا کہ  نئے صوبےکے قیام کے حوالے سے قوم بہت جلد خوشخبری سنے گی۔

دوسری جانب سے متحدہ قومی موومنٹ کے قائد الطاف حسین نے رابطہ کمیٹی کے ارکان سے ٹیلی فون پر گفتگو کرتے ہوئے کہا کہ جنوبی پنجاب اور بہاولپور صوبے انتخابات سے قبل بنا دیے جائیں۔

ان کا کہنا تھا کہ جنوبی پنجاب اور بہاولپور صوبے کا قیام عوام کا بنیادی حق ہے، انہوں نے جنوبی پنجاب کے عوام کو یقین دلایا کہ ایم کیو ایم ان کے ساتھ کھڑی ہوگی ۔

مزید براں پشاور میں بشیر بلور کے اہلخانہ سے تعزیت کے موقع پر گورنر پنجاب مخدوم احمد محمود نے بہاولپور صوبے کے قیام کا مطالبہ جائز قرار دیتے ہوئے کہا کہ جنوبی پنجاب کے عوام کا مطالبہ ہر حال میں پورا ہونا چاہیے۔

اس حصے سے مزید

ماڈل ٹاؤن ہلاکتوں کا مقدمہ درج

مقدمہ منہاج القران کےڈائریکٹر جواد حامد کی مدعیت میں وزیراعظم اور وزیراعلی پنجاب سمیت 19 افراد کیخلاف درج کیا گیا ہے۔

اسمبلیاں تحلیل کرنے کیلئے عدالت میں درخواست دائر

عبدالقیوم خان کی جانب سےجمع کرائی گئی درخواست کے مطابق اراکین اسمبلی آیئن کے آرٹیکل 62 اور 63 پر پورا نہیں اترتے۔

انتخابات 2013ء کو کالعدم قرار دینے کی درخواست سماعت کے لیے منظور

لاہور ہائیکورٹ میں دائر کی گئی درخواست میں کہا گیا ہے کہ وزیراعظم، وزیراعلیٰ پنجاب اور دیگر کو کام کرنے سے روک دیا جائے


تبصرے بند ہیں.
سروے
مقبول ترین
قلم کار

متوازی سیاست

بعض لحاظ سے ان میں اور ان لوگوں میں کوئی بہت زیادہ فرق نہیں ہے جنھیِں وہ ہٹانا چاہتے ہیں-

انتخابی اصلاحات کی فوری ضرورت

پاکستان میں انتخابی عمل کوشفاف اور غیر متنازعہ بنانے کے لیے انتخابات کے آٹھ شعبوں میں اصلاحات کی ضرورت ہے۔

بلاگ

پاکستان کی نوجوان نسل اور غیرت بریگیڈ

"فحاشی" ایک دماغی بیماری ہے جس کا شکار ذہن عورت کو گھر کی دہلیز سے باہر دیکھ کر شدید 'صدمے' کا شکار ہو جاتا ہے۔

ڈی چوک، گدھا اور نا تجربہ کار حجام

آپ کے لیڈر رہیں یا چلے جائیں، یا رسی سے گدھا بندھا ہو یا نہیں، لیکن کسی نا تجربہ کار شخص کو اپنی حجامت مت بنانے دیجئے گا

دھرنے بمقابلہ جمہوریت

جمہوریت میں ہر بندے کی رائے برابر کی اہمیت رکھتی ہے۔ ممکن ہے کہ وہ سیاست دان بھی منتخب ہوجائیں، جو لیڈرشپ کے قابل نہیں۔

آزادی کے سائیڈ افیکٹس

اس قوم کا مزید آزادی کی بات کرنا بہت حیران کن ہے۔ یہ قوم تو آزادی کے سائیڈ افیکٹس کا شکار ہے۔