30 ستمبر, 2014 | 4 ذوالحجہ, 1435
ڈان نیوز پیپر

اورکزئی، خیبر ایجنسی میں تینتیس دہشتگرد ہلاک

فائل فوٹو

پشاور: پاکستانی افواج نے قبائلی علاقوں خیبر اور اورکزئی ایجنسی میں آپریشن کے دوران تحریک طالبان پاکستان اور لشکراسلام کے تینتس دہشتگردوں کو ہلاک کردیا ہے، جبکہ بڑی تعداد میں عسکریت پسند زخمی اور گرفتار بھی ہوئے ہیں۔

عسکری ذرائع کے مطابق منگل کے روز پاکستانی قبائلی علاقے خیبر ایجنسی میں فوجی آپریشن کے دوران لشکر اسلام اور تحریک طالبان پاکستان کے  تیئس دہشتگردوں کو ہلاک کردیا گیا جبکہ بڑی تعداد میں عسکریت پسند گرفتار اور زخمی بھی ہوئے۔

عسکری ذرائع کا کہنا تھا کہ فوجی آپریشن بارہ گیٹ، ووچہ وونا اور نقئی کے علاقوں میں کیا جارہا ہےاور آپریشن کے دوران اسلحہ گولہ بارود اور راشن  ڈپووں کے ساتھ ساتھ جنجگووں کے ٹھکانے بھی تباہ کئے گئے ہیں۔

دریں اثنا اورکزئی ایجنسی میں بھی جیٹ طیاروں نے شدت پسندوں کے ٹھکانوں پر بمباری کی جس کے نتیجے میں دس شدت پسند ہلاک اور ان کے چار ٹھکانے تباہ ہو گئے۔

تاہم کالعدم تحریک طالبان پاکستان کے نمائندے احسان اللہ احسن کا کہنا ہے کہ ان حملوں میں انکے صرف دو جنگجو ہلاک ہوئے ہیں اور باقی ہلاک شدگان عام شہری تھے۔

ڈان ڈاٹ کام سے ایک خفیہ مقام سے گفتگو کرتے ہوئے انکا کہنا تھا انکے تمام ٹھکانے محفوظ ہیں اور وہ جانتے ہیں ان مقامات پہ اپنی حفاظت کیسے کی جاتی ہے۔

انصارالسلام سے جاری اپنی لڑائی کے بارے میں احسن کا کہنا تھا کہ وہ حکومتی حمایت یافتہ ٹولا ہے اور وہ جلد اسے شکست دینے میں کامیاب ہو جائینگے۔

انہوں نے بتایا کہ اب تک کی لڑائی میں انکے سات جنگجو ہلاک جبکہ پندرہ کے قریب زخمی ہوئے ہیں۔ انصارالسلام کی ہلاکتوں کے بارے میں انکے کہنا تھا کہ وہ اس بارے میں یقین سے کچھ نہیں کہہ سکتے۔

طارق آفریدی گروپ کی ٹی ٹی پی سے علیحدگی کی اخباری رپورٹوں سے متعلق انکا کہنا تھا کہ وہ اس گروپ کسی محمد نامی نمائندے کو نہیں جانتے لہذا ان خبروں میں کوئی سچائی نہیں ہے۔

"ہم تمام طالبان مجاہدین پاکستانی حکومت کے حمایت یافتہ انصارالسلام گروہ کو شکست دینے کیلئے ایک ہیں۔"

ان خبروں کے بارے میں کہ لشکر اسلام ٹی ٹی پی کو مدد فراہم کر رہی ہے، انکا کہنا تھا کہ تحریک طالبان تن تنہا انصارالسلام کیخلاف لڑ رہی ہے تاہم اگر مدد کی پیشکش ہوئی تو اسکو خوش آمدید کہا جائیگا۔

اس حصے سے مزید

وادیِ تیراہ میں ریمورٹ کنٹرول بم دھماکا، پانچ افراد ہلاک

سرکاری ذرائع کا کہنا ہے کہ یہ دھماکا تیراہ میں شدت پسند گروپ لشکر اسلام کی بیس میں ہوا۔

ہنگو: متاثرین کے کیمپ میں دھماکا، سات افراد ہلاک

ہنگو میں شمالی وزیرستان سے نقل مکانی کر کے آںے والوں کے متاثرین کے کیمپ میں دھماکے سے سات افراد ہلاک ہو گئے۔

فاٹا میں فضائی کارروائی اور جھڑپ میں 21 شدت پسند ہلاک

حکام کے مطابق شوال اور خیبر میں فضائی کارروائی اور جھڑپ میں غیرملکیوں سمیت 21 دہشت گرد ہلاک ہوئے ہیں۔


تبصرے بند ہیں.
سروے
مقبول ترین
قلم کار

فائرنگ کی زد میں

پولیس کی قیادت کو ادراک ہوا ہے کہ اسے صاحب اختیار لوگوں کے غیر قانونی مطالبات کو نا کہنے کی ہمت دکھانے کی ضرورت ہے.

پالیسی سازی کا فن

پنجاب میں باربارآنے والے سیلاب نے فیصلہ سازی اور پالیسی سازی کے درمیان خلا کو بےنقاب کردیا ہے۔

بلاگ

مقابلہ خوب ہے

کوئی دنیا کے در در پر پھیلے ہمارے کشکول کی زیارت کرے، پھر اس میں خیرات ڈالنے والوں کو فتح کرنے کے ہمارے عزم بھی دیکھے۔

پاکستان میں ذہنی بیماریاں اور ہماری بے حسی

آخر ذہنی بیماریوں کے شکار کتنے اور لوگوں کو اپنے گھرانوں کی بے حسی، اور معاشرے کی جانب سے ٹھکرائے جانے کو جھیلنا پڑے گا؟

مووی ریویو: دی پرنس — انسپائر کرنے میں ناکام

مجموعی طور پر روبوٹ جیسی پرفارمنسز اور کمزور پلاٹ کی وجہ سے یہ فلم ناظرین کی دلچسپی قائم رکھنے میں ناکام رہی-

مخلص سیاستدانوں کے سچے بیانات

جب سے دھرنے جاری ہیں، تب سے ہم نے سیاستدانوں سے طرح طرح کی باتیں سنی ہیں جن میں سے کچھ پیش خدمت ہیں۔