17 ستمبر, 2014 | 21 ذوالقعد, 1435
ڈان نیوز پیپر

پشتو گلوکارہ غزالہ جاوید کا قتل

Ghazala Javed-670
غزالہ جاوید۔—فائل فوٹو

پشاور: پشتو کی معروف گلوکارہ غزالہ جاوید اور ان کے والد کو نامعلوم افراد نے فائرنگ کرکے قتل کر دیا ۔

پولیس کے مطابق واقعہ پیر کی رات ڈبگری کے علاقے میں پیش آیا۔

مرحومہ کی بہن فرحت بی بی کے مطابق غزالہ کا سابق شوہر جہانگیر اپنے دو ساتھیوں سمیت ان کے مکان میں داخل ہوا اور پستول سے اندھادھند فائرنگ کردی جس کے نتیجے میں انکی بہن اور والد ہلاک ہوگئے۔

سوات کے علاقہ بنڑ سے تعلق رکھنے والی غزالہ خیبر پختونخواہ سمیت دنیا بھر میں مشہور تھیں اور ان کے گانوں کی کئی آڈیو اور ویڈیو البم ریلیز ہوچکی ہیں۔

انہوں نے گائیکی کا آغاز دو ہزار آٹھ میں کیا، ابتداء میں رحیم شاہ کے ساتھ بھی گانے گائے، ان کا پشتو گانا "نرے نرے باران دے" انہیں مقبولیت کی نئی بلندیوں پر لے گیا۔

انہوں  نے دو ہزار دس میں جہانگیر نامی شخص سے شادی کی تاہم ایک سال بعد ہی انہوں نے اپنے شوہر سے خلع لے لی۔

شادی کے بعد غزالہ جاوید نے گانے چھوڑ دیئے تھے لیکن خلع لینے کے بعد انہوں نے دوبارہ گلوکاری شروع کی، وہ اپنے زیادہ ترپروگرام افغانستان میں منعقد کرتی تھیں۔

دو ہزار چھ اور سات میں جب سوات میں شدت پسندی کے باعث حالات بگڑنے لگے تو غزالہ خاندان سمیت وہاں سے ہجرت کرکے پشاور منتقل ہوئیں۔

غزالہ ان دنوں اپنا زیادہ تر وقت افغانستان میں گزار رہیں تھی جہاں وہ مختلف پروگراموں اور تقریبات میں شرکت کرتی تھیں۔ وہ حال ہی میں پشاور واپس آئی تھیں۔

خیبر پختونخوا کی ثقافتی تنظیموں، شاعروں اور گلوکاروں نے غزالہ جاوید اور ان کے والد کے قتل کی شدید الفاظ میں مذمت کرتے ہوئے حکومت سے ملزمان کی فوری گرفتاری کا مطالبہ کیا ہے۔

ان کا کہنا ہے کہ نوجوان گلوکارہ کی ہلاکت پشتو موسیقی کےلیے ایک ناقابل تلافی نقصان ہے۔

اس حصے سے مزید

استاد امانت علی کو بچھڑے 40 برس بیت گئے

انہوں نے فن موسیقی کی جس صنف کو بھی گایا وہ سننے والوں میں ناصرف مقبول ہوئی بلکہ فن گائیکی میں مثال بن گئی۔

جینفر لارنس کی 'ہنگر گیمز 3' کے ساتھ واپسی

ایکشن اور سنسنی خیز مناظر سے بھرپور فلم 21 نومبر کو امریکی سینما گھروں میں ریلیز کر دی جائے گی۔

انسانیت کیلئے کام پر جارج کلونی کو اعزاز

یہ ایوارڈ ایسی مشہور شخصیت کو دیا جاتا ہے جس نے انٹرٹینمنٹ صنعت پر اثرات مرتب کئے ہوں۔


تبصرے بند ہیں.

تبصرے (2)

سردار اھمد خان بلوچ
23 جون, 2012 11:22
اردو کی اچھی ویب سا ئٹ ھے میری طرف سے سب دو ستوں کو سلام
پشتو گلوکارہ کا مبینہ قاتل گرفتار | Daily Sahafat
30 اگست, 2012 07:32
[...]  ملزم جہانگیر خان پر الزام ہے کہ انہوں نے چھبیس جون کو اپنے ساتھیوں کے ہمراہ مبینہ طور پر غزالہ اور ان کے والد کو فائرنگ کر کے ہلاک کر دیا تھا۔ [...]
سروے
مقبول ترین
قلم کار

مزید جمہوریت

نظام لپیٹ دینے اور امپائر کی باتیں کرنے کے بجائے ہمارا مطالبہ صرف مزید جمہوریت ہونا چاہیے، کم جمہوریت نہیں۔

تبدیلی آگئی ہے

ملک میں شہری حقوق کی عدم موجودگی میں عوام اب وسیع تر بھلائی کا سوچنے کے بجائے اپنے اپنے مفاد کے لیے اقدامات کررہے ہیں۔

بلاگ

وارے نیارے ہیں بے ضمیروں کے

ماضی ہو یا حال، اربابِ اختیار و اقتدار کی رشوت اور بدعنوانی کے خلاف کھوکھلی بڑھکوں کی حیثیت محض لطیفوں سے زیادہ نہیں۔

کراچی میں فرقہ وارانہ دہشتگردی

کراچی ایک مرتبہ پھر فرقہ وارانہ دہشت گردی کی زد میں ہے اور روزانہ کوئی نہ کوئی بے گناہ سنی یا شیعہ اپنی جان گنوا رہا ہے۔

اجمل کے بغیر ورلڈ کپ جیتنا ممکن

خود کو ورلڈ کلاس باؤلنگ اٹیک کہنے والے ہمارے کرکٹ حکام کی پوری باؤلنگ کیا صرف اجمل کے گرد گھومتی ہے۔

کریچر - تھری ڈی: گوڈزیلا یا ڈیوی جونز کا کزن؟

یہ کہنا غلط نہ ہوگا بپاشا ہارر تھرلرز تک محدود ہوگئی ہیں جبکہ عمران عبّاس نے انکے گرد چکر کاٹنے کے سوا کچھ نہیں کیا۔